Atorfiit inuttassarsiuussat

Ilinniartut ilinniarnerminni iluatitsinerat uangutsinnut pitsaassutsimik naqissusiisarpoq

Ilinniartut ilinniarnerminni iluatitsinerat uangutsinnut pitsaassutsimik naqissusiisarpoq

AmalieMay 12, 2021

Maani ilinniartuuterput Helga Jakobsen, Sonja Christensen ilagalugu 22. April 2021 KNR-ip unnukkut aallakaatittagaanni Illeq-mi peqataasimapput, tassani oqaluttuarineqarluni Niuernermik Ilinniarfimmi innarluuteqarluni ilinniartuulluni qanoq innersoq. Apersorneqarnerup siunertarisimavaa, erseqqissarniarlugu, suut ajornartorsiutaasinnaasut allanut ilinniartunut innarluuteqangitsunut naleqqiullugit atugaanersinnaanersut – aammalu Helga tunuliaqutaalluni qanoq iliortoqarsinnaanersoq. Taamatut innarluuteqarluni ajornartorsiutaasinnaasut annersarisimavaat suliffimmik sungiusarfissaaleqineq. Ajoraluartumillu aamma tamanna Helga-mut ajornartorsiutaasimavoq. Helga atuarluni allartissimavoq ukioq 2016-miik 2018-mut ilinniakkamut TNI Flex-imut, aammalu ingerlaqqilluni TNI Basis-imut, tassani siunertaralugu ilinniaqqinnissani. Pisiniarfimmi sulisunngorniaraanni ilinniagaq paarlakaajaattoq…

Café Basis

Café Basis

AmalieApr 29, 2021

TNI basis atuarnerminnut atatillugu suliaqarsimapput, tassani atuartut aammalu sulisut periarfissinneqarlutik nerisassanik pitsaasunik pisinnaanissaminnut, klasse-illu siunertaa nuannersumik ataatsimuualaarnissamik aaqqissuussiniarnerannut tapersersuillutik. Tassani aaqqissuussinermi ilinniartut ilinniarpaat, qanoq pingaartigisoq nerisassat pillugit ingerlatsinermi periuseq. Allarniutigalugu nalilersuisoqarpoq, suut atuartut sulisullu nerisassat kissaatigineraat sananeqassasut, tassani anguniagaalluni tunisaqarluarnissaq aammalu isertitsilluarnissaq. Tulliullugu nerisassat allattorsimaffiat inissinneqarpoq, pilersaarusiortoqarluni aammalu pisiniartoqarluni – tamakkua tamarmik atuartuniik isumagineqarput. Sinneqartoorutillu ilinniartut nammineq pivaat klasse-minni ataatsimuualaarnissamut atugassatut, aammalu ataatsimoornertik attatiinnarniarlugu. Takuneqarsinnaalluarpoq, suliamut tunniusimalluinnartut aammalu nerissassiaat mamarluinnarlutik.…

Royal Greenland pulaartoralugu

Royal Greenland pulaartoralugu

AmalieMar 3, 2021

Niuernermik Illinniarfimmi ilinniartuutitta ingerlariaqqiffissaannut piareersarneqartarput. Ilinniartoqarfittut meeqqat atuarfianniit qaffasissumik bacheloritut ilinniarnerit neqeroorutigaagut – matumani taakkununnga ilaallutik MerX1 og MerX2. Ilinniarnerup ingerlanerani MerX-imi ilinniartut nioqqutissanik tunisaqarnermut tunngaviusumik teoriit aningaasaqarnermut, logistikimut pilerisaarinermut tunngassutillit pillugit atuartinneqartarput. MerX 1 aamma 2-p kingorna qaffasiinnerusumik ilisimatusarluni ilinniartunngorniarneraanni piumasaqaataavoq ilinniartoq  sungiusarluni suliffissaqassasoq, tassami aningaasaqarneq aamma pigisanik nalilinnik aqutsineq ØR, Nunani tamalaani niuerneq tuniaanerlu IHM kiisalu Qarasaasialerinermi aqutsisutut teknologiimut ITL tunngasunik  ilinniarnerit ingelanneqartarmata atuagarsorneq suliffimmilu sungiusarneq paarlakaatsillugit. Ulloq…

Ilinniarnerup aallartiffia

Ilinniarnerup aallartiffia

AmalieJan 27, 2021

Januar tassaasimavoq MERX II-mi ilinniartunngortunut ilinniarnerup aallartiffia, siornaniilerporlu skema ulikkaavissoq sulianut tunngasunik pissanganartunillu sammisaqarfiusunik ulikkaartoq. Ilinniartut sapinngisaq tamakkerlugu atuarnertik pissarsiaqarluarnissaat qulakkeerniarlugu, aallaqqaataasumik faginut ilaavoq ilinniarnermut periutsinut tunngasoq, tamannalu ilinniartitsisumit Merete Rasmussenimit ingerlanneqarsimavoq. Tamanna tunngaviusumik ingerlanneqarpoq  ilinniartut suleqatigiikkuutaanut assigiinngitsunut agguataarlutik suleqatigiillutik nioqqutissiamik pilersitseqatigiinnissaat anguniarlugu. Soorlu assilisani takuneqarsinnaasutut, pisimasumi matumani napasuliaavoq portusooq. Mannalu malunnarsereerpoq atuaqatigiit holditut suleqatigiissinnaanerat pitsaasuusoq, atuaqatigiillu angusassaasa malinnaaffiginissaanut qilanaalereerpugut. Titartaasoqarpoq ilusilersuillunilu oqallittoqarpoq. Napasuliaq ilusinikkiartuaarpoq

Juulimi ukiortaassamilu pilluaritsi

Juulimi ukiortaassamilu pilluaritsi

AmalieDec 22, 2020

Niuernermik Ilinniarfimmit ukiumi qaanngiuttumi ilinniartuutitsinnut, sulisunutsuleqatigisartakkatsinnullu qujassuteqarusuppugut. Suliatta ingerlateqqinnissaanut 2021-lu periarfissanik pissanganartunutnassatarisassaanut qilanaarpugut.Jullisiorluarnissamik kissaassilluta juullimi ukiortaamilu pilluaqqusivugut.

Scroll to Top