Uani quppernermi ilinnut ilinniartutut imaluunniit ilinniakkamik aallartitseqqammigiut qanoq iliussanerlutit paasissutissat nanisinnaavatit
Ilinniarfissamut akuerisaanerup uppernarsarneqarnera
Suliffimmi ilinniarfissamik neqeroorfiginertalimmik aallartinnissamut allakkamik tigusaqaruit neqeroorut tigorusunnerlugu uppernarsassavat, taamaanngippat taamaatitsiinnarnissamik nalunaassaatit. Tamanna mailippit allanneratigut nassiunneqarnissaanullu toortakkap toorneratigut ingerlanneqassaaq. Taassuma kingorna minutsialuit e-mailimik pissarsissaatit, taannalu uppernarsarsinnaavat taamaatiinnarluguluunniit.
Ilinniartut inaanni inissarsineq
Ilinnut Nuup avataaneersumut ilinniarnermi inissarsinissamut Ilinniartut Ineqarfiisa Allaffeqarfiat nammineq attavigissavat (KAF).
Qinnuteqaammi ilinnialernissamut akuersissut uppernarsaatitu uiggiullugu nassiunneqassaaq, taamaanngippat NI-mit ilinniarnerup aallartinnissaanut aggersagaanermut uppernarsaat ilanngunneqassalluni.
Angalanerit (atuagarsoriarnerit, atuanngiffeqarnerit, meeqqat, taamaatitsinerit il.il.)
Qinnuteqaat uunga nassiunneqassaaq rejser@ninuuk.gl aallarfissaq sap.ak. sisamanik sioqqullugu, ilinniartut ineqarfiannik tunineqarsimaneq uppernarsaatitut ilanngunneqassaaq.
Qinnuteqaat rejser@ninuuk.gl ilinniartut inaanni ineqarnissamut akuersissut uppernarsaatitut ilanngullugu nassiunneqassaaq.
Angalanermi
Angalanermi najugaqarnermut uppernarsaat nassassavat. Kinguaattoornerni najugaqarrnermut uppernarsaat takussutissaassaaq, taannaassallunilu nerisaqarnermut, unnuinissamut billetillu allanngortinneqarnissaanut akiliutsinnissamut uppernarsaatitut atorneqartussaq.
Najugaqarnermut uppernarsaat nassanngikkukku ilinniartoqarfimmiit billeti nutaaq, nerisaqarneq unnuinerlu akilerneqarsinnaassanngillat. Taamaattumillu taakku akilernissaat nammineq akisussaaffigilertussaassallugu.
Qarasaasiaq
Nammineq qarasaasiamik angallattakkamik nassarnissat pingaaruteqarluinnarpoq, taannalu ilinnairnerup ingerlanerani pingaarnerpaatut atortorissaarutaassalluni.
Ineqarnermut akiliisussaatitaannginneq/unnuinermi tapit
Atuagarsoriaruit ineqarnermut akiliutivit matussuserneqarnissaat qinnutigisinnaavat, taakkulu ilinniartut ineqarfiisa akiliutaasa assinganik matussuserneqarsinnaapput ataani taakkartorneqartut atuutsinneqarpata:
- atuagarsoriarneq qaammatinit arfinilinnit sivikinnerussaaq
- ilinniartut inaanni imaluunniit Ilinniarnersiuteqarfinnut Naalakkersuisoqarfimmit inimi innersuunneqarsimasumi najugaqaruit
- nammineq ineqarputit tamannalu najugaqarnermut uppernarsaat atorlugu takussutissaqarfigalugu, attartugaqarnermut isumaqatigiissut atuuttoq, piginneqataanermut uppernarsaat imaluunniit piginnittuunermut uppernarsaat pigalugu
Usinik assartuineq
Nassiussat assartoqarneqarnerisa akilerneqarnissaannut piumasaqaatit kiisalu qinnuteqaat uani nanineqarsinnaavoq:
Qinnuteqaat kiisalu uppernarsaat uunga nassiunneqassapput optag@ninuuk.gl
Meeqqanut tapit
Ilinniartut meeraqartut ilinniarnermi meeqqanut tapiissutinik pissarsisinnaapput.Tamanna pillugu paasisaqarnerugit qinnuteqarlutillu:
optag@ninuuk.gl-imut qinnuteqaat kiisalu aamma uppernarsaat nassiunneqassapput