Sivisussusia
Ukiup affaa

Ilinniarnerup aallartiffia
August

Ilinniartunngorniaraanni piumasaqaataasut
GUX

MerX I (MerX II-mut ingerlariaqqiffilik)

Niuernermut tunngasumut soraarummeernerit, MERX I aamma MERX II ilinniarnertuunngorniarnerup niuernermullu tunngasut

Ilinniarnertuutut allagartaqarpit taavalu niernerup silarsuaani ingerlariaqqikkusullutit?

GUX-mi ilinniartutut MerX I TNI-imi ilinniakkanut periarfissiisuuvoq, tassanngaanniillu pisiniarfimmiutut allaffissornerulluunniit iluani ilinniagaqarsinnaanermut piginnaanngorsassallutit. Ilinniagaq MerX II-mut ingerlariaqqinnissamut periarfissiivoq.

MerX I taamaasilluni ilinniarnertuutut ilinniarfimmit niuernermut ilinniarfimmut atassusiivoq.

Ilinniarnermut piumasaqaatit

GUX-mi kisitsisilerinermi C, inuiaqatigiilerinermi C, danskisut A aamma tuluttut C ilinniarsimanissaat piumasaqaataapput, tassani minnerpaamik fagit tamarmik karakter E(02)-mik angusiffiusimassallutik.

Imarisai

Tunngaviusumik fagit

Inuussutissarsiornermi aningaasaqarneq ( C), nutaaliorneq( C), niunermi tuniniaaneq( C), qarasaasialerineq( C), CV-mik allanneq, ingerlatsineq, takussutissalimmik nittarsaassineq, studieteknik, kinaassuseq aallaavigalugu tarnip pissusaa, sammisaq aallaavigalugu suliniuteqarneq.

Paasissutissat

Ilinniarneq Niuernermik Ilinniarfimmi ingerlanneqassaaq.

Ilinniarneq qaammat aggustusip aallartisimalernerani aallartissaaq qinnuteqarnissamullu killigititaavoq 1. martsi.

Qinnuteqartoq ilinniarnermi aallartissinnaanissamut ilinniartutut isumaqatigiissut suliffeqarfimmit akuerineqarsimasumit atsiorneqarsimassaaq. Taanna kingusinnerpaamik 1. septemberi Majoriaq-mut nassiunneqarsimassalluni.

Ilinniarneq ukiup affaanik sivisussuseqarpoq ilinniarnermullu tapisiaqarnissaq pisinnaatitaaffiulluni.

Atorfeqarneq

Ilinniartut MerX I-imik naammassinnissimasut TNI-mi ilinniakkat ingerlariaqqiffiginissaannut periarfissaqarput (SK6 aamma SK7) pisiniarfiup aamma allaffissornerup iluani. Taassuma saniatigut MerX II-imut ingerlaqqinnissaq periarfissaavortaaq.

Scroll to Top