Sivisussusia
Ukiut marluk

Ilinniarnerup aallartiffia
Augusti

Ilinniartunngorniaraanni piumasaqaataasut
GUX

Qarasaasialerineq soqutigisaraajuk aammalu immaqa projektilerinermi aqutsisutut sulinissaq pilerigalugu?

Taava Qarasaasialerinermi aqutsisussatut aammalu qarasaasialerinermi teknologiimut tunngassuteqartumik qaffasinnerusumik ilinniarneq ilinnut piukkunnarpoq.

Projektimik aqutsisutut, siunnersortitut imaluunniit qarasaasialerisutut suleqataassaguit sullitavit kissaatigisaat qarasaasialerinermi teknologimut naleqquttunngortissinnaasariaqarpatit. Qarasaasialerinermi aqutsisutut aammalu – teknologimut tunngasunik qaffasinnerusumik ilinniagaqarsimaguit projektimik aqutsinermi, qarasaasialerinermi attaveqaqatigiinnermilu ilisimasassat nutaat pissarsiariuassavatit. Projektilerinermut, suliassat pitsaassusiinut, aamma nukinnik aqutsinermi ineriartortitsinermut projekteriinermullu pisariaqartitat ilinniassavatit, niueqateqarnermi aqutsinermi neqeroorutinillu suliaqarnermi piumasaqaataasinnaammata.

Ilinniakkamut Akademi IT-ledelse aamma teknologi-mut ilinniarniarluni aallartinniaraanni, suliffimmik sunngiusarfissarsiortariqanngilaq.

Uani AU IT Aqutsineq aamma Teknologi-mi ilinniartuutigut sunik suliarineqartarnersut saqqaanni takusinnaavat: http://www.it-tek.nu/

Ilinniartunngorniaraanni piumasaqaataasut

Qaffasinnerusumik ilinniagaqarnissamut ukiut marluk sivisussusilimmut iserniassagaanni GU-mi ilinniarnertuutut soraarummeersimanissaq, ingeniørinngorniarnermi angusaqarluni misilitsissimaneq imaluunniit inuutissarsiummut atatillugu naleqquttumik ilinniagaqarsimaneq piumasarineqarput.

Inuutissarsiummut tunngasumik ilinniagaqarsimaneq aqqutigalugu ilinniartunngorniaraanni piumasaqaatit:

Automatik- aamma proces-imik ilinniarsimaneq (immikkut sammisaqarnermik ilalik)

Data- aamma attaveqaqatigiinnermik ilinniarsimaneq (immikkut sammisaqarnermik ilalik)

Innaallagisserisoq, sanaartukkanut automatik

Innaallagisserisoq, atortussanik ikkussuinermut teknik

Innaallagisserisoq, attaveqaqatigiinnermut teknik

Innaallagisserisoq, aqutsinermut- aamma reguleriinermut teknik

Elektronik- aamma sakkukitsunik sarfalerinermut (svagstrøm) ilinniarsimaneq

Innaallagisserisoq Saviminilerinermik Ilinniarfimmi Nuummiittumi ilinniarsimaneq


Ilinniartunngussagaanni immikkut piumasarineqartut: tuluttut C aamma matematik C

Sumiiffik aamma aallartinneq

Niuernermik Ilinniarfimmi, Nuummi ilinniartitsineq ingerlavoq.
Ilinniarneq aallartissaaq augustip aallartinnerani, qinnuteqarnissamullu killigitinneqarpoq 1. marts.

Suliffissat siunissamilu ineriartornissaq

Projektinik aqutsisuuneq, siunnersorti imaluunniit qarasaasialerisutut suleqataaneq.

Sivisussusia

Ukiut 2. Ilinniarneq naggaserneqassalluni qaammatini pingasuni suliffeqarfimmi sungiusarluni sulinermik aammalu soraarummeernermut atatillugu projektimik allaaserisaqarnermik.

Aningaasaqarneq

Ilinniarneq ilinniarnersiuteqarfiusinnaavoq.

Ilinniakkap aaqqissugaanera

Studieordning for AU IT-ledelse og -teknologi

Videoklip

Ilinniartup nammineerluni ilinniakkamut ilisarititsinera, paasissutissallu allaqqareesut eqqaaneqarneri.

Scroll to Top