Inatsisilerinermi sullissisutut ilinniarneq

Sivisussusia
Ukiut marluk affarlu

Ilinniarnerup aallartiffia
2021

Isernissamut piumasaqaatInuussutissaqarnermi ilinniagaq imaluunniit GUX aammalu minnerpaamik ukiut marluk inuussutissaqarnermi misilittagaqarnikkut.

Atuarneq siulleq pissaaq upernaaq 2021. Qinnuteqarnissamut killigititaasoq – 2021

Pisortat allaffeqarfianni atorfeqarpit, kisiannili inatsisinut tunngasuni, aningaasaqarnermut aammalu inuiaqatigiinnut tunngasuni piginnaasatit qaffassarusullugit?

Inatsisilerinermi sullissisutut ilinniarneq (JUSA) sakkussaavoq pitsaasoq.

Aallartittussat tullii upernassaq 2021

Sulinermi allaffissornermilu piginnaasatit qaffassakkit

JUSA ilinniaqqinneruvoq ukiuni marlunni suliffiup saniatigut ingerlanneqartartoq, atuagarsornermi aammalu sulinerup nalaani unammilligassat ilinniartup sulinermini aqqusaartagassai sammineqartarlutik.

Ilinniakkap annertunerusumik ilisimasaqalersissavaatit allaffissornermi ataqatigiisitsinerit aammalu siunertavoq piginnasavit qaffassarnissaanut ass. sulianik suliaqartarnerup aammalu innuttaasut inatsisitigut isumannaatsuutitsinissamut tunngatillugu.

Paasissutissat amerlanerusut Inatsisilerinermik sullissisustut ilinniarnermi (JUSA)

Ilinniartunngorniaraanni piumasaqaataasut

Ilinniartunngorniaraani piumasarineqarpoq Pisortat suliffeqarfiutaasa arlaanni inuutissarsiornermut atatillugu naleqquttumik iliniagaqarsimanissaq.
Taassuma saniatigut qinnuteqartoq sivikinnerpaamik ukiuni marlunni suliffeqarfimmi sulisimanermik misilittagaqassaaq imaluunniit ilinniarnissamut akuerineqarsinnaasumik ilinniagaqarsimassalluni.

Qinnuteqartoq suliffeqassaaq qinnuteqarfiup nalaani. Ilinniakkamullu tigusaaniaraanni, tamanna sulisitsisup akuerisimasussaavaa.

Sumiiffik aamma aallartinneq

Atuartitsineq pissaaq Niuernemrik Ilinniarfimmi imaluunniit Pisortatut Ilisimatusarfimmi, Nuuk.

Ilinniarneq aallartissaaq februarimi aammalu atuagarsorneq siulleq pissaaq 9. marts-miik 27 marts 2020 tungaanut.

Qinnuteqarfissaq kingulleq 15 Januar 2020.

Suliffissat siunissamilu ineriartornissaq

Ilinniareernerup kingorna allakkat inatsisitigut qanoq paasisariaqarnersut annertunerusumik paasisaqarfiginerulissavatit, suliassallu assigiinngitsut suliarisinnaanerulissallugit. Aamma Pisortat ingerlatsineranni inatsisilerineq, qanoq aamma sooq taama ittuunersut paasisimanerulissavatit, aammalu innuttaasut atugaasa sullissinermi inatsisitigut qanoq qulakkeerneqarsimanerat ilisimanerulissallugu.

Ilinniarnermi oqaatsit atorneqartut

Qallunaatut. Atortussat tamarmik aamma qallunaatuujupput.
Taamaattumik oqaluttarissani allattarissanilu ilinniarnerup pissarsiffigilluarnissaa siunertaralugu ilinniartup qallunaatut oqalulluarsinnaanissaa piumasarineqarpoq.

Sivisussusia

JUSA ukiut marluk piffissaq ilaannakorlugu ilinniarneruvoq, atuarneq tallimanik moduleqarpoq sap.ak. 3 sivisussuseqartunik. Atuarnerit katillugit sap.ak. 15-iupput.
Atuarnerit akornanni suliassaqartarpoq, projektiliorluni aammalu nammineq atuarnissap tulliuttup tungaanut ilisimatusarnermik ilaqarluni.

Aningaasaqarneq

Ilinniagaq ilinniagarsiaqaataanngilaq.
Atuagarsornerpit nalaani kollegie-nut inissinneqarsinnaavutit, kisianni nammineq akilissavat ineqarnerit.

Kollegiemut qinnuteqarneq pissaaq KAF-mut, taamaammat siusinaarluni qinnuteqarnissaq pingaarpoq.

Najoqqutassat soorlu atuakkat allallu atuafimmiik isumagineqassapput.

Computer-nik amigaateqartoqassappat atuarfik atukkiisinnanngilaq, taamaammat atuagarsooriaraanni nammineq peqarnissaq orniginarneruvoq.

Ilinniakkap aaqqissuussaanera aammalu ingerlanissaa

Maluginiaruk ilinniartoq ilinniartuussammat atuagarsornermi, naatsorsuutigissagaa akunnerit qulit sap. akunneranut, ilinniarnerup saniatigut atortassagai.

Piffissarlu atorneqassalluni atuarneq ilinniagassanik, suliaqarneq suliakkiussanik fag-inut tunngasunik, tunniussassanik suliaqarneq, misilitsinnissamut piareersarnerit aammalu tunniussassanut misilitsinnermut piareersarnerit allallu. Aammalu ajunnginnerpaassaaq, ilinniartoq akuusaruni eqimattakkaartunut.

Qinnuteqarit

Inatsisilerinermi sullissisisussatut ilinniarniakkamut qinnuteqarusukkuit, qinnuteqaammik immersukkamik nassiussissaatit, piginnaasat pillugit allassimaffik, suliffeqarfigisanniik akuersissut aammalu ilinniarsimanermut uppernarsaatit, suliffinni misilittakkat aammalu oqaaseqaatit assigiinngitsut ninuuk@ninuuk.gl – mut nassiunneqassapput.

Scroll to Top