Visussusia
 Ukiuni 2½ sivisussuseqarpoq

Ilinniarnerup aallartiffia
august 2020

Aningaasaqarnermut aqutsinermut ilisimasatit qaffassakkit Bachelor-itullu ilinniagaq tigullugu

Ilinniakkap suliffeqarfinni aningaasanik aqutsinermi, nioqqutissanik tunisinermi, naatsorsuinermi, inuussutissarsiornermut inatsisini, ingerlatsinermi aningaasaqarneq, pilersaarutinik aqutsinermi, suleqatigiissinnaanermi, suliffeqarfiit aaqqissuussaanerini siammasissumik ilisimasassannik tunissavaatit, kiisalu naatsorsuinermi atuagarsornikkut suliassartaasa paasiniarnissaanut misissornissaanullu sakkussannittaaq tunissallutit.

Aningaasanik Aqutsinermi aammalu Allaffissornermi bachelorinngorniarnerni naatsorsuineq aningaasanillu aqutsinerup suliarineqarnissaa eqaatsumik ilinniarfigissavat, kiisalu inuit akornanni aqutseriaaseq paasisaqarfigissallugu. Taassuma saniatigut fagit aalajangersimasut iluanni nammineq faginik toqqaallutit ilinniakkap nalimmassarsinnaanissaa periarfissaavoq.

Ilinniarnerit nammineerlutit nalimmassarsinnaavat soqutigisatit fag-it qinigassaasut malillugit.

Ilinniagaq AU-mi ilinniakkannut nangitsilluni ilinniagaavoq, ukiunillu 2½-nik semester-inillu tallimanik sivisussuseqarluni.

Ukiut affai siulliit pingasut aallaqqaasiutitut Nuummi ingerlanneqassapput.
Ukiup affaata sisamassaat nunani allani ingerlanneqarnissaa innersuussutigineqarpoq. Tamanut ukiup affaa nunanut allanut atoriartorfiusussaq periarfissaanngippat Nuummi ingerlanneqarsinnaavoq, pinngitsuugassaanngitsumilli paasisassarsiorluni angalaqataassalluni. Ukiup affaa nunani allani atuarfiusussaq pingaarnertut tuluttut ingerlanneqassaaq. Ukiup affaasa tallimaat suliffimmi misiliinermik aammalu bacheloritut suliamik inaarinninniarnermik avinneqassaaq.

Ilinniartunngorniaraanni piumasaqaatit

Bahcelor-itut ilinniarneq ukiuni 2 1/2-inik sivisussusilimmi qinnuteqarniaraanni makku pisariaqarput:

AU aningaasaqarneq aamma pigisanik nalilinnik aqutsineq naggataarutaasumik misilitsiffigisimanissaa angusiffigalugu.

AU Nunani tamalaani niuerneq aamma niuernermi tuniniaaneq naggataarutaasumik misilitsiffigisimanissaa angusiffigalugu.

Ilinniagarluunniit naleqquttoq piukkunnaateqartunik 60-inik ECTS point-ilik.

Sumiiffik aamma aallartinneq

Atuartitsineq pisassaaq Niuernermik Ilinniarfik, Nuuk.

Ilinniarneq aallartissaaq augustip aallartinnerani, qinnuteqarnissamullu killigitinneqarpoq 1. marts.

Killigititaasoq ulloq angumeriuminaatsikkukku attavigisigut.

Suliffissat siunissamilu ineriartornissaq

Controlleritut atorfeqarneq, missingersuusiortartoq, aammalu namminersorluni siunnersuisarneq. Taamaattumik ilinniagarsimaguit suliffeqarfinni Kalaallit Nunaanniittuni aammalu nunani tamalaani assigiinngitsorpassuarni sulisinnaavutit.

Atuartitsinermi oqaatsit

Qallunaatut tuluttullu

Sivisussusia

 Ukiuni 2½ sivisussuseqarpoq

Aningaasaqarneq

Ilinniarnerup nalaani ilinniarnermorsiaqarsinnaavoq.

Ilinniarnerup aaqqissuussaanera

Uani ilinniarnerup aaqqissuussaanera atuarsinnaavat

Qinnuteqarit

Ilinniarsimasuuit Ilinniarnertuut ilinniarfianni aningaasaqarnermi aammalu pigisanik nalilinnik aqutsinermi, aammalu suliffimmut atatillugu sulisarsimallutit. Taamaappat qinnuteqaatit immersoriarlugiut uppernarsaatillu assigiingitsut ilinniarnerit assigiingitsut/fag-it ataasiakkaat, sulisarninni misilittakkat allallu oqaaseqaatit pigigukkit, uunga nassiussinnaavatit nunuuk@ninuuk.gl

Allaanermik ilinniagaqaruit aamma una immikkut immersussavat piginnaasanut tunngasoq

Qinnuteqarfissaq kingulleq 1. marts

Scroll to Top