Royal Greenland pulaartoralugu

Niuernermik Illinniarfimmi ilinniartuutitta ingerlariaqqiffissaannut piareersarneqartarput.

Ilinniartoqarfittut meeqqat atuarfianniit qaffasissumik bacheloritut ilinniarnerit neqeroorutigaagut – matumani taakkununnga ilaallutik MerX1 og MerX2.

Ilinniarnerup ingerlanerani MerX-imi ilinniartut nioqqutissanik tunisaqarnermut tunngaviusumik teoriit aningaasaqarnermut, logistikimut pilerisaarinermut tunngassutillit pillugit atuartinneqartarput.

MerX 1 aamma 2-p kingorna qaffasiinnerusumik ilisimatusarluni ilinniartunngorniarneraanni piumasaqaataavoq ilinniartoq  sungiusarluni suliffissaqassasoq, tassami aningaasaqarneq aamma pigisanik nalilinnik aqutsineq ØR, Nunani tamalaani niuerneq tuniaanerlu IHM kiisalu Qarasaasialerinermi aqutsisutut teknologiimut ITL tunngasunik  ilinniarnerit ingelanneqartarmata atuagarsorneq suliffimmilu sungiusarneq paarlakaatsillugit.

Ulloq 18.02.21 Niuernermik Ilinniarfik Royal Greenlandimiit pulaartoqarsimavoq.

Pulaartullu maannakkut atuarfimmit ilinniartut immikkoortort suliffimmik sungiusartuutitik ilisaritissimavaat

Royal Greenland nunatsinni suliffeqarfiit anginerit ilagaat ilinniarfimmilu atuartunik suliffimmi sungiusartuuteqarput immikkoortaqarfinni assigiinngitsuni sulisorineqartunik.

Royal Greenlandimit saqqummiisoqarnerata  ilinniartumut eqqumaffigiuminarsarpaa qanoq ililluni  suliffimmillu sungiusarneq aqqutigalugu atuarnermik ingerlanissaa qanoq ilusilersueqataaffigisinnaanerlugu.

Siunissami ilinniartut malinnaaviginissaat qilanaaraarput, aammalu nuannaarutigaarput najukkami suliffeqarfiit ilinniartut siunissami suliffeqalernissaannut periarfissanik saqqummiisarmata.

Leave a Comment

Your email address will not be published. Required fields are marked *

Scroll to Top