TNI Basis

Sivisussusia
Ukioq ataaseq

Ilinniarnerup aallartiffia
Augusti

Ilinniartunngorniaraanni piumasaqaataasut
10. klassi

Niuertarfimmi imaluunniit allaffimmi sulissallutit pilerigalugu takorluuivit?

Taava TNI tunngaviusumik ilinniagaq ilinnut aqqutissaavoq.

Allaffimmi sulisutut naatsorsuutit, sullissineq aammalu kiffartuussineq suliarisassavatit, niuertarfinni sulissaguit kiffartuussinermut nioqqutissallu qanoq tuniniarluarsinnaanerunerlugit pikkoriffigissallugit. TNI tunngaviusoq inuutissarsiutitut ilinniagaavoq suliffinnik marlunnik taakkuninnga suliaqarsinnaanermut periarfissiisoq.

Ilinniartunngorniaraanni piumasaqaataasut

TNI-mi ilinniartunngorniaruit makku piumasaqaataapput

Atuarfitsialammi 10 klassemi soraarummeersimanissaq karakteerilersueriaaseq pisoqaq malillugu 6-ussaaq. Karakteerilersueriaaseq GGS Skala malillugu E-ssalluni.Taamatuttaaq fagini kalaallisut, qallunaatut, tuluttut matematikkimilu, ukiumoortumik soraarummeernermilu karakteeri minnerpaamik E-ussalluni.

Meeqqat atuarfianit naammassillugu misilitsissimanissaq FSA-mi 7-mik karakteereqarnissaq, FSAU-mi-lu 6-mik karakteereqarfigineqassaaq (karakteerilersueriaaseq pisoqaq malillugu).
FA Piareersarfiup ataani (atuarfitsialaap qaffasissusia malillugu) 6 karakteereqarfigineqassaaq. GGS Skala malillugu E-ussalluni.

AEU (inuutissarsiummik ilinnialernissamut piareersarneq) karakteerilersueriaaseq pisoqaq malillugu 7 karakteeriussalluni, GGS skala malillugu D-ussalluni.

TNI-Flex

Sumiiffik aamma aallartinneq

Ilinniartitsineq Nuummi Niuernermi Ilinniarfimmi ingerlanneqartarpoq.
Atuarneq aallartittarpoq augustip aallartinnerani, qinnuteqarfissarlu tassa martsip aallaqqaataa. Qinnuteqartoq suliffeqarfimmi iliniarfiusussatut akuerisaasumik isumaqatigiissuteqareersimassaaq atuarnerup ukiua siulleq naatinnagu.

Suliffissat siunissamilu ineriartornissaq

Allaffimmiutut (assistentitut), niuertussatut (handelsassistentitut), tuniniaasutut (salgsassistentitut) il.il.

Sivisussusia

TNI basis ukioq ataaseq ilinniarneruvoq atuagarsorfiusoq. TNI basis naammassigukku TNI aqqutigalugu ukununnga ingerlariaqiffiuvoq, TNI allaffissorneq aamma TNI pisiniarfimmiunngorniarneq, taakkualu ilinniagaapput ukiunik pingasunik malitseqartoq, tassani atuagarsorneq, suliffeqarfimmilu sungiusarneq paarlakaallugit ingerlanneqartarlutik.

Aningaasaqarneq

Atuarfimmiinnerup nalaani ilinniarnersiuteqarsinnaavutit, kisiannili suliffimmi sungiusarfimmiitillutit isumaqatigiissutit malillugit ilinniartutut akissarsiaqassaatit.

Scroll to Top