Ilinniartutut siunnersorteqarneq

Sumi ikiorneqarnissamik noqqaasinnaavit?

Ilinniartutut NI-mut matukkut iseruit silarsuarmut allamut appakaattutut misigisinnaavutit. Ulluinnaat pissanganartunik unamminartunik nutaanillu ilisarisimasartartaarnernik imaqarsinnaapput, aammali paasissutissat annertuut sungiunniagassatit. Taakku nalorninernik apeqquterpassuarnillu pilersitsisinnaapput.
Apeqqutissavit ilaannut akissuteqaatit uani nittartakkami nanisinnaavatit. Allanik apeqqutissaqartoqartillugu atuarfimmi sulisutsinnit ikiorneqarnissamik pisariaqartitsisinnaavutit.

Ilinniartunut kiffartuussivik
Illuliami tungujortumi ilinniartunut kiffartuussivik saaffigisinnaavat.


Ilinniartitsisoq attaveqarfissaq
Klassit tamarmik immikkut ilinniartitsisoqarput attavissaasumik, taannalu ilinniarnerit pillugu apeqqutissaqarnikkut ikiorneqarnissamik saaffigisinnaavat.

Ilinniarnermi siunnersorti
Ilinnirnermi siunnersortitta atuarfik pillugu, ilinniagaq toqqarsimasaq aammalu inuttut inissisimanerit pillugu apeqquteqaatinnik ikiorsinnaavaatit.
Ilinniarnermi siunnersorteqarfik ulluinnarni ammasarpoq nal. 09:00 – 12:00 kiisalu nal.13:00 – 15:00. Aammattaaq oqarasuaammut 345251 imaluuniit uunga allagaqarnissamut studievejleder@ninuuk.gl tikilluaqqusaavutit.

Ilinniarnermi siunnersorti nipangersimasussaatitaavoq, taamaattumillu oqaloqatiginninnerni toqqissisimasinnaavutit.


Scroll to Top