Visussusia
 Ukiuni 2½ sivisussuseqarpoq

Ilinniarnerup aallartiffia
august 2020

BA aningaasaqarnermi isumalluutinillu aqutsinermi

Namminersortumik kiisalu aamma suleqateqarlutit tamakkiisumik paasisimasaqarneq aallaavigalugu suliassat ulluinnarni isumagineqartut kiisalu ineriartortitsinissamut aallaaveqartut naatsorsuusiornerni, aningaasaqarnikkut aqutsinermi kiisalu aningaasaliissutissatut periarfissaasut ilutigalugit suliarisassavatit.

Taassuma saniatigut suliffeqarfimmi periuserineqartut, inuiaqatiggiinni aammmalu suliffeqarfiup iluani avataanilu suleqatigisanut attaveqarnerit ilinniarfigissavatit.

Ilinnut ilinniarnerup suliassaqarfinnut aaliangersimasunut tulluussarneqarnissaa periarfissaavoq.

Ilinnialernissamut piumasaqaatit

Aningaasaqarnermi isumalluutinillu aqutsinermi ilisimatusarnikkut ilinniarneq.

Piffissarisaq tamaat atorlugu bacheloritut ilinniarnermut (AU-taqanngitsoq) ilinniarnermi tulleriissarnerni immikkoortumut siullermut aallartissinnaanissaq qinnutigineqassaaq, taassumallu kingorna misilitsinerit igerlaqqissutissiaapput:

MerX ll

GUX niuerneq aamma aningaasaqarneq

Minnerpaaffissatut piumasaqaat: 4 kisitsisilerinermi C, tuluttut C, danskisut C.

Imarisai

Tunngaviusumik fagit

Aningaasaqarneq isumalluutinillu aqutsineq, aqutsineq, suliffeqarfik suleqatigisalluni, inatsisilerineq, niuerneq aamma ussassaarineq, periuseq, suliniutit suliassaqarfiit assigiinngitsut akimorlugit, faginik toqqaaneq, suliffimmik misiliineq, inaarutaasumik suliaqarneq.

Paasissutissat

Ilinniagaq illit aningaasaqarnermi isumalluutinillu aqutsinermi ilisimatusarnikkut ilinniakkannut qaffassaataavoq sivisussuseqarlunilu ukiut marluk affarlu / immikkoortunut 5-nut agguataarneqarsimalluni.

Immikoortut siulliit pingasut aallaavittut Nuummi ingerlanneqassapput. Immikkoortut sisamaat nunat tamalaanut tunngassuteqarpoq, tassanilu innersuussutigineqarpoq illit ilinniartutut immikkoortoq nunani allani ilinniarnertut ingerlatissagit. Tamanna periarfissaanngippat, immikkoortoq Nuummi ingerlanneqarsinnaavoq, peqqussutitulli ilinniarnermi paasisassarsiorluni angalaneq peqataaffigineqassalluni. Nunat tamalaat pillugit immikkoortumi tuluttut oqaatsit pingaarnertut atorneqassapput.

Immikkoortut tallimaanni suliffimmik misiliinermi aamma bacheloritut suliniutip taarserartumik ingerlanneqarnissaat siunertarineqarpoq.

Ilinniarnermi ilinniarnersiuteqarneq pisinnaatitaaffiuvoq.

1. martsi qinnuteqarnissamut killigitinneqarpoq.

Qinnuteqarnermi immersugassaq sullissivik.gl imaluunniit najukkanni Majoriaq aqqutigalugu pissarsiarisinnaasat immersorlugu qinnuteqassaatit.

Ilinniarnerup aaqqissuussaanera aammalu quppersagaq

Uani ilinniarnerup aaqqissuussaanera atuarsinnaavat

Atorfeqarneq

Aningaasartuutissanik missingersuusiornermi sulisoq aamma siunnersortitut namminersortoq.

Ilinniarneq atorlugu Kalaallit Nunaanni aamma Nunat tamalaat akornanni suliffeqarfinni assigiinngitsuni sulisinnaassaatit.

Scroll to Top