Sivisussusia
Ukiut marluk

Ilinniarnerup aallartiffia
Augusti

Ilinniartunngorniaraanni piumasaqaataasut
HHX/Merx II/NI 1

Nunat tamalaat akornanni assartuineq ataqatigiissaarinerlu

Nunatta iluani imaluunniit nunat tamalaat akornanni suliffeqarfinni naleqartitat pilersuinermiluunniit ingerlaatsit pillugit atorfeqarnissat kissaatigaajuk?

Taamaappat ilisimatusarnikkut Nunat tamalaat akornanni assartuineq ingerlavinnillu aaqqissiunerup iluani ilinniagaq ilinnut aqqutissaavoq.

Ingerlaarfinnik ataqatigiissaarineq ilutigalugu supply chain management aamma niuerneq pillugit ilinniarnermi nunarsuarmi aammalu najukkami suliffeqarnissamut periarfissaqalissaatit, matumani aaqqiivigisassat aqutsinermilu suliassat ingaartitat aallaavigalugit pilersuinermi ataqatigiissaarineq ingerlatissallugit.

Ingerlaviit marluk toqqarsinnaavatit:

Assartuineq: Tassani niuernerup aamma tuniniaanerup assartuinermut ataqatigiiffii pillugit ilisimanik pissarsiaqassaatit, kiisalu aamma assartuinermi pisut ataasiakkaat aaqqiivigisinnaanissaanut periarfissat suut qanorlu ujartorneqarsinnaaneri pillugit immersorneqassallutit. Taassuma saniatigut assartuinermi inatsisitigut isiginnittariaatsit aamma iserfigissavatit.

Niuerneq: ungasinnerusoq isigalugu anguniakkat aallaavigalugit ingerlatsinermi atortussanik niuerneq pillugu ilisimasanik pissarsissaatit kiisalu aamma niuernermut inatsisit atuuttut attuumassuteqartullu iserfigissallugit.

Ilinnialernissamut piumasaqaatit

MerX ll

HHX

NI 1

Imarisai

Tunngaviusumik fagit

Angallavinnik ataqatigiissaarinikkut pilersaarusiorneq, Supply Chain Management, Ingerlatsinermi Niuerneq, Assartuinermi inatsisit, Inuussutissarsiornermi aningaasaqarnikkut periutsit. Inaarutaasumik suliniut, suliffimmik misiliineq.

Taassuma kingorna ataani taakkartorneqartut arlaat:

Assartuineq: Assartuineq aamma Warehouse Management.

Niuerneq: Anguniakkat pilersaarutaasut aallaavigalugit niuerneq.

Paasissutissat

Ilinniarneq Niuernermik Ilinniarfimmi ingerlanneqassaaq.

Ilinniarneq suliffimmik misiliinermi aallartinneqassaaq aggustusip aallaqqaataani qinnuteqarnissamullu killiliussaavoq 1. martsi. Ilinniartup suliffimmik misiliiffissamik nassaarnissani nammineq akisussaaffigissavaa isumatigiissullu kingusinnerpaami 20. juuli au@ninuuk.gl-imut nassiunneqassalluni.

Ilinniagaq ukiuni marlunni sivisussuseqarpoq inaarutaasumillu suliniummik suliaqarnermi ilinniagaq soraarummeerfigineqassalluni.

Qinnuteqarnermi immersugassaq sullissivik.gl imaluunniit najukkanni Majoriaq aqqutigalugu pissarsiarisinnaasat immersorlugu qinnuteqassaatit. Atuagarsornerup ingerlanneranik ilinniagaq ilinniarnermusiaqarnissamut pisinnaatitaaffiuvoq. Ilinniartut akissarsiaqarneq suliassaqarfimmi pineqartumi isumaqatigiissut naapertorlugu ingerlanneqassaaq.

Atorfeqarneq

Niuernermi ataqatigiissaarisoq, Niuertoq, angallavinnik pilersaarusiornermi ataqatigiissaarisoq, quersuarmi atorfeqartoq, quersuarmi pisortaq, nassiussaq ingerlanneqarnissaannik suliaqartoq imaluunniit siunnersorti.

Header text

Header text

Scroll to Top