Sivisussusia
Ukiut marluk

Ilinniarnerup aallartiffia
Augusti

Ilinniartunngorniaraanni piumasaqaataasut
GUX

IT-mi aqutsineq aamma -teknologi

Qarasaasialerinermi soqutigisaqarpit aammalu suliniutinut aqutsisunngonissat kissaatigiviuk?

Taamaappat ilisimatusarnermi qarasaasialerinermut-aqutsinermi aamma -teknologimi ilinniagaq aqqutigissallugu ilinnut tulluarpoq.

Suliniutinut aqutsisutut, siunnersortitut imaluunniit qarasaasialerinermi-atorfeqartutut sullitap kissaatigisai qarasaasialerinikkut aaqqiiviginissaat piginnaasaqarfigissavat. Ilisimatusarnikkut qarasaasialerinermi aqutsisutut aamma – teknologi pillugu ilinniagaq aqqutigalugu suliniutinik aqutsinermi, qarasaasialerinermi kiisalu attaveqatigiinnermi ilisimasat nutaanerpaasut pissarsiarissavatit.

Pitsaassuseq aallaavigalugu suliniutinik aqutsineq ilinniassavat, sakkussat aammalu ineriartorneq suliniutinut ataasiakkaanut tunngasut ilanngullugit – suliaq amerlanertigut niuerfigisamit aqunneqarnissaa aammalu neqerooruteqartoqarnissaanik piumasaqaataaffiusoq.

Qarasaasialerinermi-aqutsinermut aamma – teknologi pillugu ilinniarnermut suliffimmik misiliiffissamik pissarsisimanissaq piumasaqaataanngilaq.

Ilinnialernissamut piumasaqaatit

GUX minnerpaamik 4 kisitsisilerinermi C, tuluttut C aamma danskisut C.

Ilinnialertussamit piumasaqaatit pigineqanngippata Majoriaq aqqutigalugu piginnaasatigut naliliiffigineqarsinnaanermut qinnuteqartoqarsinnaavoq.

Imarisai

Tunngaviusumik fagit

Allattariarsornikkut aammalu oqaluttariarsornikkut attaveqatigiinneq, suliffeqarfiup ilusilersugaanerani periutsit, attaveqaatit aamma systemit atorlugit atortulersuinerit, teknologi, suliniutinik aqutsineq, qarasaasialerinermi-ilusilersuineq, toqqorsiviit aamma tulleriissaaraluni systemit pillugit teknikkikkut paasisimasaqarneq, siunnersuineq- aamma siunnersortitut atorfeqarneq, sillimaniarneq, inaarutaasumik suliniuteqarneq.

Paasissutissat

Ilinniarneq Niuernermik Ilinniarfimmi ingerlanneqassaaq.

Ilinniarneq siulleq aggustusip aallartisimalernerani aallartissaaq, qinnuteqarnissamullu killigitinneqarpoq 1. martsi.

Qinnuteqarnermi immersugassaq sullissivik.gl imaluunniit najukkanni Majoriaq aqqutigalugu pissarsiarisinnaasat immersorlugu qinnuteqassaatit.

Ilinniarneq ukiuni marlunnik sivisussuseqarpoq, matumani qaamatini pingasunik suliffimmik misiliinermi kiisalu inaarutaasumi suliniuteqarnermik ilinniagaq inaarneqassalluni. Ilinniakkami ilinniarnermut tapisiaqarnissaq pisinnaatitaaffiuvoq.

Ilinniarnerup aaqqissuussaanera aammalu quppersagaq

Atorfeqarneq

Ilinniarsimasutut suliffeqarfimmi suliniutinik aqutsinermi pisariaqartitsiffiusumik atorfininnissannut periarfissaqassaatit.

Taamattaaq suliffeqarfimmi teknikkikkut malernaasumi aamma atorfinissinnaassaatit. Sammiviit assigiinngitsut inissisimaffigalugit atorfeqassaatit teknikkikkut pissutsit kisiisa tappiffiginagit, aammali nassuiaasinnaallutillu suliniut sammivinnit arlalinnit takusinnaasariaqassallugu.

Scroll to Top