Sivisussusia
Ukiuni 2½ sivisussuseqarpoq

BA Nunat tamalaat akornanni niuerneq aamma ussassaarineq

Niuernerup iluani sulerusuppit aammalu qanoq pitsaanerpaamik nittarsaassisinnaaneq pillugu ilisimasaqarnerulerusuppit? Taamaappat ilinniagaq una ilinnut eqqortuuvoq.

Bachelorimi ilinniarnerup ilisimatusarnermik ilinniarnermi piginnaasat sukumiinerusumik iserfiginissaannut periarfississavaatit, taamaasillutit pitsaanerusumik ajornannginnerusumillu ajornartoornerit nunatta iluani imaluunniit nunat tamalaat akornanni suliffeqarfiit ingerlariaasianni ajornannginnerusumik aaqqiissuteqarfigisinnaalissagakkit.

Ilinniarnerup ilinnorpiaq fagit toqqagassat atorlugit immikkut suliassaqarfinnik toqqaasinnaanissaq periarfissarivat.

Ilinnialernissamut piumasaqaatit

Nunat tamalaat akornanni niuerneq aamma ussassaarineq pillugit ilisimatusarnikkut ilinniarneq.

Piffissarisaq tamaat atorlugu bacheloritut ilinniarnermut (AU-taqanngitsoq) ilinniarnermi tulleriissarnerni immikkoortumut siullermut aallartissinnaanissaq qinnutigineqassaaq, taassumallu kingorna misilitsinerit igerlaqqissutissiaapput:

MerX ll

GUX niuerneq aningaasaqarnerlu

Minnerpaaffissaatut piumasaqaat: 4 kisitsisilerinermi C, tuluttut C, danskisut C.

Imarisai

Tunngaviusumik fagit

Niuerneq ussassaarinerlu, aqutsineq, suliffeqarfiup ilusilersugaanera suleqateqarnerlu, inatsisilerineq, aningaasaqarneq aamma aningaasaliisarneq, fagit toqqarneqarsinnaasut, suliffimmik misiliineq, suliassaqarfiit akimorlugit suliniummik sammisaqarneq, inaarutaasumik suliniuteqarneq.

Paasissutissat

Ilinniagaq illit nunat tamalaat akornanni niuernermi aamma ussassaarinermi ilisimatusarnikkut ilinniakkannut qaffassaataavoq sivisussuseqarlunilu ukiut marluk affarlu / immikkoortunut 5-nut agguataarneqarsimalluni.

Immikoortut siulliit pingasut aallaavittut Nuummi ingerlanneqassapput.

Immikkoortut sisamaat nunat tamalaanut tunngassuteqarpoq, tassanilu innersuussutigineqarpoq illit ilinniartutut immikkoortoq nunani allani ilinniarnertut ingerlatissagit. Tamanna periarfissaanngippat, immikkoortoq Nuummi ingerlanneqarsinnaavoq, peqqussutitulli ilinniarnermi paasisassarsiorluni angalaneq peqataaffigineqassalluni. Nunat tamalaat pillugit immikkoortumi tuluttut oqaatsit pingaarnertut atorneqassapput.

Immikkoortut tallimaanni suliffimmik misiliinermi aamma bacheloritut suliniutip taarserartumik ingerlanneqarnissaat siunertarineqarpoq.

Ilinniarnermi ilinniarnersiuteqarneq pisinnaatitaaffiuvoq.

1. martsi qinnuteqarnissamut killigitinneqarpoq.

Qinnuteqarnermi immersugassaq sullissivik.gl imaluunniit najukkanni Majoriaq aqqutigalugu pissarsiarisinnaasat immersorlugu qinnuteqassaatit.

Ilinniarnerup aaqqissuussaanera aammalu quppersagaq

Atorfeqarneq

Ussassaarinermik suliaqartoq, nittarsaassinermi sulisoq, tuniniaanermik suliaqartoq.

Atorfiup suussusaa allanngorarsinnaavoq taamaakkaluartoq annerusumik suliassat imarisaat ilitsersuunneqarfissatit assigiillutik. Ilinniagaq atorlugu suliffeqarfinni assigiinngitsuni nunatta iluani nunallu tamalaat akornanni niuernikkut-, tunisassiornikkut kiisalu kiffartuukkut suliaqarfinni sulisinnassaatit.

Scroll to Top