Sivisussusia
Ukiut sisamat

Ilinniarnerup aallartiffia
Oktoberi

Ilinniartunngorniaraanni piumasaqaataasut
10. klassi

TNI niuerfik

Tuniniaallammanngorusuppit imaluunniit sullitanut attaveqarnissamik soqutigisaqarpit?

Taamaappat TNI pisiniarfimmiutut ilinniarneq ilinnoortuuvoq, tassanilu piginnaasanik eqqortunik immersussavatsigit.

TNI pisiniarfimmiutut tunngaviusumik ilinniarnermi sullitanik sullissitillutit suut pingaaruteqarneri ilinniassavatit. Kiffartuussilluarnermi tunngavissat pillugit ilinniartinneqassaatit, kiisalu aamma taakkua sulinermi pisut aallaavigalugit qanoq atorsinnaaneri aamma pillugu ilinniartinneqassallutit. Ilinniagaq naammassisimalersillugu pisiniarfimmiutut suliassat assigiinngitsorpassuit aaqqiivigisinnaalissavatit, taassumallu saniatigut ilisimasat siammasissut pigilissallugit kiisalu aamma suliassat nioqqutissiornermut tunngasut qanoq aaqqiiviginissaat aamma ilisimaarilissallugu.

Qanoq sullitat kiffartornissaat pillugu ilinniartinneqassaatit, pisariaqartitaat qanoq tunniussinnaassaneritit, aammalu pisiniarfiup iluani ingerlatsinermi pisariaqartitat qanoq aaqqiivigisinnaanerit.


Ilinnialernissamut piumasaqaatit

TNI-mi ilinniartunngorniaruit makku piumasaqaataapput

Atuarfitsialammi 10 klassemi soraarummeersimanissaq karakteerilersueriaaseq pisoqaq malillugu 6-ussaaq. Karakteerilersueriaaseq GGS Skala malillugu E-ssalluni.Taamatuttaaq fagini kalaallisut, qallunaatut, tuluttut matematikkimilu, ukiumoortumik soraarummeernermilu karakteeri minnerpaamik E-ussalluni.

Meeqqat atuarfianit naammassillugu misilitsissimanissaq FSA-mi 7-mik (D) karakteereqarnissaq, FSAU-mi-lu 2 E. GGS skala malillugu, 6-millu karakteereqarfigineqassaaq (karakteerilersueriaaseq pisoqaq malillugu).

FA Piareersarfiup ataani (atuarfitsialaap qaffasissusia malillugu) 6 karakteereqarfigineqassaaq. GGS Skala malillugu E-ussalluni.
AEU (inuutissarsiummik ilinnialernissamut piareersarneq) karakteerilersueriaaseq pisoqaq malillugu 7 karakteeriussalluni, GGS skala malillugu D-ussalluni.

TNI-mut ilinnialersinnaanissamut ataani piumasaqaatit pigissavatit:

Atuarfitsialak, 10. klasse soraarummeernermi minnerpaamik karakter 6 karakter-ileeriaaseq kingulleq malillugu, aamma E GGS-nalileeriaaseq nutaaq malillugu, taakkunani ukuimut tamakkiisumik karakterit aamma misilitsilluni soraarummeernermi atuutsinneqarlutik. Tamanna faginut tamanut atuutsinneqarpoq, kalaallisut, qallunaasut, tuluttut aammalu kisitsisilerinermi.

Meeqqat atuarfiat FSA-mi misilitsinnermi 7 aamma FSUA-mi 6 (inatsisit siornatigut atuussimasut malillugit).

FA Piareersarfimmi (qaffasissuseq atuarfitsialattut): nalileeriaaseq nutaanngitsoq malillugu 6 aamma E GGS-nalileeriaaseq nutaaq malillugu.

Inuussutissarsiornermi ilinniarnermut AEU angusiffigisimassaaq nalileeriaaseq nutaanngitsoq malillugu karakter 7 pigineqassalluni, aamma karakter D nalileeriaaseq nutaaq malillugu.

Imarisai

Tunngaviusumik fagit

Qarasaasialerineq, inuiaqatigiilerineq, kalaallisut, qallunaatut, tuluttut, nioqqutissanik tuniniaaneq, tarnip pissusaanik ilinniarneq & kiffartuussineq, kiisalu inuussutissarsiornermi aningaasaqarneq.

Paasissutissat

Ilinniarneq Niuernermik Ilinniarfimmi ingerlanneqassaaq.

Ilinniarnermi atuagarsorneq siulleq oktoberi qaammatip aallartisimalernerani aallartissaaq ukiorlu naallugu qinnuteqarnissamut periarfissaqarluni.

Qinnuteqarnermi immersugassaq sullissivik.gl imaluunniit najukkanni Majoriaq aqqutigalugu pissarsiarisinnaasat immersorlugu qinnuteqassaatit.

Qinnuteqartoq ilinniarnermi aallartissinnaanissamut ilinniartutut isumaqatigiissut suliffeqarfimmit akuerineqarsimasumit atsiorneqarsimassaaq. Taanna kingusinnerpaamik 1. septemberi Majoriaq-mut nassiunneqarsimassalluni.

Ilinniarneq ukiuni sisamani sivisussuseqarpoq, tassani atuagarsorneq- aamma suliffimmik misiliineq paarlakaattumik ingerlanneqassallutik.

Ilinniarneq tamaat isumaqatigiissut malillugu(indsæt) ilinniartutut akissarsiaqassaatit.

Ilinniarnerup aaqqissuussaanera aammalu quppersagaq

Atorfeqarneq

Ilinniagaq naammassilersimatillugu nioqqutissanik suliaqarnermi pingaarnertut atorfinissinnaavutit.

Atorfeqarnermi ingerlavik soqutiginerpaasat aallaavigalugu atorfininnissannut periarfissaqassaatit, soorlu assersuutigalugu atisaappata, timersuutaappata, ulluinnarni atugassiaappata, ingerlaatit atorlugit tuniniaaneruppat imaluunniit allarluinnaq.

Takorluuisinnaaneq kisimi killiliisinnaavoq – eqqaariikkatut una ilinniagaq ilinnoortuuvoq tuniniaanermik suliaqarusuttoq.

Atorfininnissamut periarfissat pingaarnertut pisiniarfimmiipput. Taakku amerlanertigut tuniniaanermi suliassaqarfeqartarput, taamaasillutit suliassaqarfik illit soqutiginartinnerpaasat qinnuteqarfigissallugu periarfissaqarlutit.

Ilinniaqqinnissat kissaatigigukku MerX II imaluunniit TNI pisiniarfimmitut ilinniagaq ilinniassallugu periarfissaqarputit.

Scroll to Top