Ullup affaa – ilinniartut atugarissaarnissaat, attaveqaqatigiinnerlu

Ilinniartut atugarissaarnissaannik ilinniarnerisalu ingerlanerini ikorfartornissaannillu soqutigisaqarpit?
Taava illit ujarpatsigit.

Niuernermik Ilinniarfik Nuuk, ilinniarfiuvoq ilisimasaqarluartoq eqeersimaartorlu, inuussutissartiutinut sammiviup iluani ilinniakkanik ilalinnik suliffeqarfiit pisortallu peqatigalugit neqeroorutilik. Niuernermik ilinniarfiup massakkut ukkatarai ilinniakkat nutaat, taamaasilluni ilinniartut tigummiinnarnissaannut angusaqarluarusuttoq aammalu inuiaqatigiinni sulisussat atorfissaqartitat pikkorissut pilersinniarlugit.

Suliassatit….

Ullup affaani sulisutuut akisussaaffigissavat ilinniartut atugarissaarnissaat, ilinniarnerisalu ingerlanerini ajunngitsumik misigisaqarnissaat. Akisussaaffigissavatttaaq sammisaqartitsineq, ilinniartunullu iluaqutaasinnaasunik pisussanik, aammalu piginnaasaannik ineriartortitsineq. Taamatullu sulinerup nammineerlunii ingerlatsisarnissaq, isumassarsiullaqqinnissaq kiisalu eqaatsumik suleriuseqarnissat pisariaqartippaa.

Akusussaaffiit ukuupput:

  • Ilinniartut atugarissaarnissaat, ilinniarnerinilu tapersersornissaat, uanilu suliaqartitsinerit workshop-it, ataatsimoorluni pisut oqallinnertallit.
  • Ilinniartunut neqeroorutit ilinniarnerup teknik-ianik, CV-liornermik aammalu inuttut attaveqaqatigiissinnaanermik
  • Ilinniakkat pillugit allakkanik allagaqarneq ingerlatiteqqiinerlu, pikkorissarnerit, suliallu anginerumaartut
  • Atuarfiup pisortaanut atugarissaarnissaq pillugu sulianut attaveqaqatigiinnermullu suliniutinut ikorfartuisinnaasoq
  • Suliassallu allat

Ulluinnarni ilinniartunik, sulisunik attaveqassaatit, kiisalu avataaniittut soqutigisaqatigiit, suliniaqatigiillu assingiinngitsorpassuit aamma atorfimmut pingaartipparput, akuersaartumik isummetariaaseqassasutit, attavissanik susassaqarfissanillu pilersitsisinnaassallutit. Naatsorsuutigaarput torersumik ataqatigiissumillu pilersaarusiorsinnaassasutit aammalu naammineerlutit naammassisinnaallugit. Suleqatigiinnut ilanngutissaatit, Atuarfiullu pisortaanut attaveqassallutit.

Kissaatigaarput….

  • Psykologi, aqqutissiuussineq, siunnersuineq, attaveqaqatigiinneq imaluunniit assigisaannik ilinniagaqarsimassasutit.
  • Ilinniartut atugarissaarnissaannik, ilinniarnerannilu ikorfartuinissamik soqutigisaqassaatit.
  • Kalaallisut qallunaatullu piginnaasaqarnissat assut pingaartinneqarpoq.

Neqeroorutigaarput…

Ilinniarfimmi alliartortumi suliffik pissanganartoq, ilinniartuutitsinnik, ilisimatusartunik suleqataasunillu
pigisatsitut pingaarnertut pilersitsisinnaasutullu isiginniffiusoq. Unamminartunik pissanganartunik naapitsisassaatit, periarfissaqassallutillu sulisut pSuliffik pissanganartoq, ilinniarfimmi ineriartortumi, nammineq ilusilersuinissamik periarfissalik. Inuttut suliatigullu ineriartornissamik periarfissalik, sulisunillu pilersitsiniarnermi pingaarnertut inissisimasunik suleqatit pinngorartitsinissamik piumassusillit suleqatiginissai, ulluinnarni quiasaarneq atuuttuuvoq aamma.

Akissarsiat atorfininnermullu atugassarititaasut

Atorfik sapaatip akunneranut 15 tiimit suliffiuvoq

Akissarsiaqarnermut atorfinitsitaanermullu atugassarititaasut Namminersorlutik Oqartussat isumaqatigiissutaat, atorfinitsitsinermi soraarnermi atorfininnnermilu pequtit assartorneranni, atuuttuusoq kattuffiullu allap isumaqatiginninniarsinnaatitaasup isumaqatigiissutaat atuuttut malillugit pissaaq.

Atorfik kissaatigineqarpoq 15. Marts 2022 imaluunniit isumaqatigiissut malillugu inuttalerneqassasoq.

Ineqarneq

Atorfimmut atatillugu inissaqartitsisoqanngilaq. Massakkulli sulininnut atatillugu Namminersorlutik Oqartussat ataanni ineqareersimaguit, taanna tigummiinnarneqarsinnaavoq. Suliffik aqqutigalugu
ineqaraanni suliffimmiik soraarnermi inigisaq qimanneqartussaavoq.

Paasissutissat allat

Imminut suleqatissatut ullup affaani takorloorsinnaavit, atorfimmilu annerusumik paasisaqarusullutit, taava Atuarfiup pisortaa Christel Lund Bøjler attavigisinnaavat, oqarasuaat +299 34 25 80, mail clb@ninuuk.gl atorlugit.

Kalaallit Nunaanni Niuernermik Ilinniarfik pillugu atuarsinnaavutit uani www.ninuuk.gl.

Qinnuteqaammut killigititaq

Qinnuteqarnermi killigitinneqarpoq 14. Marts 2022.
Qinnuteqaatit ataavartumik suliarineqassapput

Qinnuteqaat

Qinnuteqaat hr@ninuuk.gl

nassiunneqassaaq, CV, ilinniarsimanermullu allagartanik, pinerlussimannginnermullu uppernarsaammik Qinnuteqaat ilaqassaaq, ilanngussassallu allat qinnuteqaammut soqutiginartunik.

Tusarfiginissat qilanaaraarput!

Scroll to Top