Kiffartuussinermut attaveqarnermullu piginnaaneqarpit? Ulluinnarnilu nammineerlutit sulisinnaavit tamatigoortuullutillu? Taamaappat illiuvoq ujagarput.
Niuernermik Ilinniarfik Nuuk, ilinniarfiuvoq ilisimasaqarluartoq eqeersimaartorlu, inuussutissartiutinut sammiviup iluani ilinniakkanik ilalinnik suliffeqarfiit pisortallu peqatigalugit neqeroorutilik. Niuernermik ilinniarfiup massakkut ukkatarai ilinniakkat nutaat, taamaasilluni ilinniartut tigummiinnarnissaannut angusaqarluarusuttoq aammalu inuiaqatigiinni sulisussat atorfissaqartitat pikkorissut pilersinniarlugit.
Suliassatit….
Uanga sulisunnut suleqatigiinnut aqutsisutut ulluinnarni sulinerpit malunnaatigissavaa suliassanik aaliangersimasunik suliaqarnissat, pilersaarusiornermik suliassanillu allanik malitseqarlutik, taamaattumik taamatut sulinerup piumasaqaatigaa naammagittartuunissaq naleqqussallaqqissuunissarlu. Peqatigaluga suliassat ingerlanneqartassapput, illillu nammineq pilersaarusiortassaatit naammassillugit. Suliat piumasaqaatigaat, silassorissuunissat, torersuunissat kiisalu nammineersinnaassuseqarnissat.
Suliassat pingaarnerit tassaapput:
- Atuarfiup pisortaata sulisuinut suleqatigiinnut aqutsisutut, aammalu suliatigut immikkoortortami aqutsineq.
- Allakkanik aqutsineq, ataqatigiissaarineq, pilersaarusiornerit naammassineqarnissaannik, kiisalu pilersaarusianut ingerlasunut malittarinninnissaq, aammalu killiliussat eqeersimaarfigalugillu eqquutinnissaannut qulakkeerinnittarnissaq.
- Saqqummiussassat suliarineri, aaliangersangassatut saqqummiussat, nalilersuineq il.il.
- Ataqatigiissaarineq, suliassanik aqutsineq kiisalu avataaniik suleqatigisanut nalunaaruteqartarneq.
- Suliassallu allat takkuttut.
Qitiusumi inissisimassaatit, aaliangiisarnernilu ingerlatseriaatsinut, aaqqissuussinernullu periutsit ilisimasaqarfigilissavatit, taamaattumik ammasuunissamik tatiginartuunissamillu tamanna piumasaqartitsivoq. Ulluinnarni soqutiginnittunik assigiinngitsunik attaveqarfinnullu attaveqartarnissat pisassaaq, atorfimmullu annertuumik piumasaqaatigivara tamatigoortuunissat tatiginartuunissallu. Suleqatigiinni aqutsisutut uanga attaveqaatigissavarma aammalu “uanga assak talerperlertut” atuuttassallutit.
Piumasaraara….
- Qaffasissumik ingerlaqqiffiusumi ilisimatusarlutit ilinniagaqarsimassasutit, attaveqaqatigiinnermi, inuiaqatigiilerinermi imaluunniit assigisaani.
- Annertuumik attaveqaqatigiinnermut, allattariasornermik oqaluttariarsornermilu piginnaaneqassasutit, eqaatsumillu suleriaaseqassallutit.
- Ilakkuminartuussaatit, ilumoortumillu suleqatiginnerup naleqarneranik pilersitserusuttuullutit.
- Kalaallisut qallunaatullu oqalussinnaaneq allassinaanerlu annertuumik pingaartinneqarpoq.
Neqeroorutigaarput…
Suliffik pissanganartoq, ilinniarfimmi ineriartortumi, ilinniartunik sulisunillu pilersitsiniarnermi pingaarnertut inissisimasunik suleqateqarneq. Suliffik sulisunik aqutsinermik ingerlataqartoq. Tassani ineriartortisinermi aammalu atuutitsinermi ilinniakkanut tungasunik peqataanissamut periarfissalik. Sulianik pissanganartunik imalik aammalu pikkorissunik eqeersimaartunillu suleqateqarnermik avatangiiseqarluni sulinissamut periarfissaqarneq kiisalu suleqatit pinngorartitsinissamik piumassusillit suleqatiginissai, ulluinnarni quiasaarneq atuuttuuvoq aamma.
Akissarsiat atorfininnermullu atugassarititaasut
Akissarsiaqarnermut atorfinitsitaanermullu atugassarititaasut Namminersorlutik Oqartussat isumaqatigiissutaat, atorfinitsitsinermi soraarnermi atorfininnnermilu pequtit assartorneranni, atuuttuusoq kattuffiullu allap isumaqatiginninniarsinnaatitaasup isumaqatigiissutaat atuuttut malillugit pissaaq. Atorfininneq tjenestemand-itut pisinnaavoq, taamatut inissisimangaanni.
Atorfik kissaatigineqarpoq 15. marts 2022 imaluunniit isumaqatigiissut malillugu inuttalerneqassasoq.
Ineqarneq
Atorfimmut atatillugu inissaqartitsisoqanngilaq. Massakkulli sulininnut atatillugu Namminersorlutik Oqartussat ataanni ineqareersimaguit, taanna tigummiinnarneqarsinnaavoq. Suliffik aqqutigalugu ineqaraanni suliffimmiik soraarnermi inigisaq qimanneqartussaavoq.
Paasissutissat allat
Suleqatigiinnut aqutsisutut imminut takorloorsinnaavit, atorfimmilu annerusumik paasisaqarusullutit, taava Atuarfiup pisortaa Christel Lund Bøjler attavigisinnaavat, oqarasuaat +299 34 25 80, mail clb@ninuuk.gl atorlugit.
Niuernermik Ilinniarfik pillugu paasisaqarsinnaavutit ugguuna www.ninuuk.gl.
Qinnuteqaammut killigititaq
Qinnuteqarnermut killigitinneqarpoq ulloq 4. februar 2022.
atorfik pillugu oqaloqateqarneq ataavartumik ingerlanneqassaaq.
Qinnuteqaat
Qinnuteqaat hr@ninuuk.gl -mut nassiunneqassaaq, CV, ilinniarsimanermullu allagartanik, pinerlussimannginnermullu uppernarsaammik ilaqassaaq, ilanngussassallu allat qinnuteqaammut soqutiginartunik.
Tusarfiginissat qilanaaraarput!