Qullersanut allatsi

Sullissillaqqissuuit attaveqaqatigiinnermullu piginnaasaqarlutit? Nammineersinnaassuseqarlutit sulineq pikkoriffigaajuk, ulluinnarnilu sulinermi tulluarsallaqqissuuit? Taamaappat illiuvoq ujagarput.

Niuernermik Ilinniarfik ilinniarfiuvoq ingerlalluartoq, ilinniakkanik assigiingitsunik pisortat suliffeqarfii, namminersortorlu qanimut suleqatigalugit neqerooruteqartartoq. Niuernermik Ilinniarfiup neqeroorutit nutaat qitiutippai, tamanna ilinniartut soqutiginnilernissaannut nukittorsaataasussaalluni, taamaammallu inuiaqatigiinni ilinniarsimasunik piginnaanilinnik atorfissaqartitsineq naammassineqarsinnaalluni.

Suliassatit….

Aqutsisoqarfimmi allatsitut ulluinnarni sulininni suliassat aaliangersimasut suliarisassavatit, saniatigullu pilersaarusiornerit, suliassallu takkussuuttut suliarisassallugit, taamaammat naammagittartuunissat, tulluarsarsallaqqissuunissallu pisariaqarpoq. Suliassat peqatigaluga naammassiniarneqartassapput, aammalu illit nammineq pilersaarutinik ingerlatassannik naammassisassannillu peqartassalluni.

Sulinermi pisariaqariaqartinneqarpoq attaveqaqatigiinnermut piginnaasaqarnissat eqeersimaartuunissallu.

Akusussaaffiit ukuupput:

  • Atuarfiup pisortaanut kiffartuussineq allattaaneerlu, ataatsimiinnernut pilersaarusiornerit, ullorsiutip aqunnera, ataatsimiinnerillu piareersarneri.
  • Bestyrelsip kiffartuunnerani ikorfartuineq, ataatsimiinnernut pilersaarusiornerit, angalanissanullu inniminniisarnerit.
  • Avammut nittarsaassinerit, aaliangersakkanik ataatsimiinnerni saqqummiussineq, imaqarniliornerillu.
  • Ataatsimiinnerit ataqatigiissaarlugillu pilersaarusiorneri ataatsimiititalianut suliassanut assigiingitsunut attaveqaatinullu.
  • Allaffissornermi toqqammaviit toqqorterinermilu atortunik inerisaaneq aserfallatsaaliinerlu.
  • Attaveqaatit aqunneri, neqeroorusiornerit, sulinermilu isumaqatigiissutinik malittarinninneq.
  • Suliassat allat takkuttut

Qitiusumi inissisimassaatit, aaliangiisarnernilu ingerlatseriaatsinut, aaqqissuussinernullu periutsit ilisimasaqarfigilissavatit, taamaattumik ammasuunissamik tatiginartuunissamillu tamanna piumasaqartitsivoq. Ulluinnarni soqutiginnittunik assigiinngitsunik attaveqarfinnullu attaveqartarnissat pisassaaq, atorfimmullu annertuumik piumasaqaatigivara tamatigoortuunissat tatiginartuunissallu. Qullersani allatsitut uanga attaveqaatigissavarma aammalu bestyrelsimut qullersanullu allatsitut atuuttassallutit.

Kissaatigaarput….

  • Qaffasissumik ingerlaqqiffiusumi ilisimatusarlutit ilinniagaqarsimassasutit, attaveqaqatigiinnermi, inuiaqatigiilerinermi imaluunniit assigisaani.
  • SoMe, Intranet il.il. ilisimaqasassasutit misilittagaqarlutillu.
  • Annertuumik attaveqaqatigiinnermut, allattariasornermik oqaluttariarsornermilu piginnaaneqassasutit, eqaatsumillu suleriaaseqassallutit.
  • Ilakkuminartuussaatit, ilumoortumillu suleqatiginnerup naleqarneranik pilersitserusuttuullutit.
  • Kalaallisut qallunaatullu oqalussinnaaneq allassinaanerlu annertuumik pingaartinneqarpoq.

Neqeroorutigaarput…

Suliffik pissanganartoq, ilinniarfimmi ineriartortumi, ilinniartunik sulisunillu pilersitsiniarnermi pingaarnertut inissisimasunik suleqateqarneq. Suliffik sulisunik aqutsinermik ingerlataqartoq. Tassani ineriartortisinermi aammalu atuutitsinermi ilinniakkanut tungasunik peqataanissamut periarfissalik. Sulianik pissanganartunik imalik aammalu pikkorissunik eqeersimaartunillu suleqateqarnermik avatangiiseqarluni sulinissamut periarfissaqarneq kiisalu suleqatit pinngorartitsinissamik piumassusillit suleqatiginissai, ulluinnarni quiasaarneq atuuttuuvoq aamma.

Akissarsiat atorfininnermullu atugassarititaasut

Akissarsiaqarnermut atorfinitsitaanermullu atugassarititaasut Namminersorlutik Oqartussat isumaqatigiissutaat, atorfinitsitsinermi soraarnermi atorfininnnermilu pequtit assartorneranni, atuuttuusoq kattuffiullu allap isumaqatiginninniarsinnaatitaasup isumaqatigiissutaat atuuttut malillugit pissaaq. Atorfininneq tjenestemand-itut pisinnaavoq, taamatut inissisimangaanni.

Atorfik kissaatigineqarpoq 1. juni 2022 imaluunniit isumaqatigiissut malillugu inuttalerneqassasoq.

Ineqarneq

Atorfimmut atatillugu inissaqartitsisoqanngilaq. Massakkulli sulininnut atatillugu Namminersorlutik Oqartussat ataanni ineqareersimaguit, taanna tigummiinnarneqarsinnaavoq. Suliffik aqqutigalugu
ineqaraanni suliffimmiik soraarnermi inigisaq qimanneqartussaavoq.

Paasissutissat allat

Qullisani allatsitut imminut takorloorsinnaavit, atorfimmilu annerusumik paasisaqarusullutit, taava Atuarfiup pisortaa Christel Lund Bøjler attavigisinnaavat, oqarasuaat +299 34 25 80, mail clb@ninuuk.gl atorlugit.

Qinnuteqaammut killigititaq

Qinnuteqarnermut killigitinneqarpoq ulloq 29. april 2022.

atorfik pillugu oqaloqateqarneq ataavartumik ingerlanneqassapput.

Qinnuteqaat

Qinnuteqaat CV, ilinniarsimanermullu allagartanik, pinerlussimannginnermullu uppernarsaammik ilaqassaaq, ilanngussassallu allat qinnuteqaammut soqutiginartunik.

Qinnuteqaat uunga nassiunneqassaaq HR@ninuuk.gl Tusarfiginissat qilanaaraarput!

Scroll to Top