Inuit oqallittarfianni attaveqarnermut akisussaasoq

Inuit oqallittarfiani atuinissamut sapigaqanngilatit aasiiliinermillu soqutigisaqarlutit? Inuillu oqallittarfiini ilanngussukkanik tappiffeqarlutit, assilisanik, videolianillu saqqummiisinnaallutit? Taava illit ujarpatsigit.

Niuernermik Ilinniarfik Nuuk, ilinniarfiuvoq ilisimasaqarluartoq eqeersimaartorlu, inuussutissartiutinut sammiviup iluani ilinniakkanik ilalinnik suliffeqarfiit pisortallu peqatigalugit neqeroorutilik. Niuernermik ilinniarfiup massakkut ukkatarai ilinniakkat nutaat, taamaasilluni ilinniartut tigummiinnarnissaannut angusaqarluarusuttoq aammalu inuiaqatigiinni sulisussat atorfissaqartitat pikkorissut pilersinniarlugit.

Suliassatit….

Inuit oqallittarfianni attaveqarnermut akisussaasutut akisussaaffigissavat atuarfiup inuit oqallittarfiini ineriartortitsinerup nakkutiginissaa. Akisussaaffigissavattaaq apps-it platform-illu akimorlugit imarissassaannik pilersitsinissaq. Suliassarissavattaaq saqqummiussinermi aammalu kampagne-nut ilusilersuinerup isumassarsiornerullu facebook-ikkut instagram-ikkut il.il. atassuteqarnissap takussassiarinissaa, inuusuttut malinnaaffigissallugit kissaatigisaat. Suleqatigut avataaniittut peqatigalugit assilissanik video-nut atortussanik pilersitsineq, pinngorartitsinerlu qaffasissumik pitsaassusilimmik, ilinniagaatitsinnillu isumassarsiorfissatut, tapersortissarsiornissamillu suliaqarnissamut. Atuarfiup pisortanuttaaq isumassarsioqateqarsinnaassaatit atuarfiup nittarsaanneqarneranut atatillugu. Pisariaqarpoq nammineersinnaassasutit, isumassarsiullaqqissuullutit tamatigoortuullutillu.

Akusussaaffiit ukuupput:

  • Atuarfiup nittarsaannissaa, inuit oqallittarfiata malunnarnissaa (facebook, instagram, linkedln, youtube il.il)akisussaaffigissavat
  • Inuit oqallittarfiisa imaqarnissaat, oqaluttuanik pissarsinissaq, assinik aalasulianillu pilersaarusiornissaq
  • Inuit oqallittarfianut paasisitsiniaaneq, allagarsiutassanik nutaarsiassanillu allannissaq
  • Assinik aalasuliorneq, atuarfiup ulluinnaanik pisunillu assiliineq, inuit oqallittarfianut, hjemmeside-a aammalu intranet-mut
  • Inuit oqallittarfiannut paasissutissiinermik nittarsaassinermillu, pingaarnertut meeqqat atuarfiat aammalu qinnuteqarumaartussanut
  • Atuarfiup ilinniartunut intrata pissanganartunik isumassarsiorfiusunillu imaqarnissaa
  • Atuarfiup digitaliusumik nittarsaannissaa aammalu ussassaarutiginissaata suliarinissaa
  • Atuarfiup pisortaata isumassarsioqatigisarnissaa, atuarfiup nittarsaannissaanut
  • Suliassallu allat

Ulluinnarni ilinniartunut, sulisunut aammalu suleqatinut avataaniittunut attaveqartartussaavutit, taamaattumik saaffigiuminartuullutillu kiffartuussinermut piukkunnaartuussaatit. Naatsorsuutigaarput pilersaarusiornerit peqqissaarussillutit nammineerlutit naammassisinnaassagitit. Suleqatigiinnut ilanngutissaatit, atuarfiullu pisortaanut atassuteqassallutit.

Kissaatigaarput….

  • Inuit oqallittarfiini sulisinnaanermi, digitaliusumik nittarsaassinermik, attaveqaqatigiinnermik assigisaanillu ilinniagaqassasutit
  • “oqaluttuat nuannersut”-nik tappiffilik, pissanganartunik assinillu isumassarsiorfiusinnaasunik aalasulianillu imassanik.
  • Inuk isumassarsiullaqqissoq, sukumiisumik takunnissinnaasoq, pissagarnartunillu imaqartitillunilu isumassarsiullaqqissoq, siunertanullu peqataatitsisoq
  • Kalaallisut qallunaatullu oqaatsitigut attaveqarsinnanermik piginnaasaqarnissaq annertuumik pingaartinneqarpoq.

Neqeroorutigaarput…

Ilinniarfimmi alliartortumi suliffik pissanganartoq, ilinniartuutitsinnik, ilisimatusartunik suleqataasunillu
pigisatsitut pingaarnertut pilersitsisinnaasutullu isiginniffiusoq. Unamminartunik pissanganartunik naapitsisassaatit, periarfissaqassallutillu sulisut pikkorissut, suliaminnik aallussisut, isumassarsinartut pilersitsisinnaasullu suleqatigilernissaannut, ulluinnarnilu qiimanermik pingaartitaqarlutik suleqataasunut.

Akissarsiat atorfininnermullu atugassarititaasut

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq aamma kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfik kissaatigineqarpoq inuttalerneqassasoq ulloq 1. april 2022 imal. isumaqatigiissuteqarnikkut.

Najugaq

Atorfimmut atatillugu sulisunut inissiamik innersuussisoqarsinnaanngilaq.

Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni, sulisutut ineqarsinnaatitaanini inissaqartitaaneq tigummiinnarsinnaava. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani suliunnaarnermilu qimanneqassalluni.

Paasissutissat allat

Suleqatigiinnut aqutsisutut imminut takorloorsinnaavit, atorfimmilu annerusumik paasisaqarusullutit, taava Atuarfiup pisortaa Christel Lund Bøjler attavigisinnaavat, oqarasuaat +299 34 25 80, mail clb@ninuuk.gl atorlugit.

Kalaallit Nunaanni Niuernermik Ilinniarfik pillugu atuarsinnaavutit uani www.ninuuk.gl.

Qinnuteqaammut killigititaq

Qinnuteqaammut killigitinneqarpoq 25. Februar 2022

Qinnuteqaatit ataavartumik suliarineqassapput

Qinnuteqaat

Qinnuteqaat uunga nassiunneqassaaq hr@ninuuk.gl

qinnuteqaammut ilanngullugit ilinniarsimanermut uppernarsaatit, atorfeqarsimanermut takussutissat, pinerlussimannginnermullu uppernarsaatip assilinera ilanngunneqassapput

Tusarfiginissat qilanaaraarput!

Scroll to Top