Ukiut tamaasa Niuernermik Ilinniarfik ukiut atuarfiusup aallartinnerani TNI-imi, MerX-imi aammalu AU-imi ilinniartunut nutaanut Rusrallymik taasamik (orienteringsløb) aaqqissuisarpoq. Rusrallymi siunertarineqartoq tassaavoq ilinniarfiit sammivii assigiinngitsut akimorlugu imminut ilikkarnissaq kiisalu aamma atuaqatigiiaani atuarfimmilu ataatsimut isigalugu ataqatigiilluarnissamik pilersitsinissaq siunertaralugu.
Ukioq manna ulloq 14. august Rurally ingerlanneqarpoq, tassani ilinniartut nutaat ileriiaanut qulikkaarlugit avinneqarlutik tassanngaanniillu piffinnut assigiinngitsunut 10-nut Nuuk tamakkerlugu arpallutik suliassanik nuannersunik ornigullutik suliaqartarlutik.
Ileriiaat aallartinnginnerminni kinaassuserisassaminnik pilersitsinissamut suliakkerneqarput, ilaat assersuutigalugu ileriiaarnermi aterisaminnut niaqorutiliorsimapput, uanilu assini isumassarsiatsialaat assigiinngitsut takuneqarsinnaapput.
Piffinni suliakkiiffinni ilaatigut suliakkiissutit baajat karsit amerlanerpaanngorlugit qaleriiaarnissaat suliakkiissutigineqarsinnaavoq, imaluunniit namminneerlutik kiinappaliorlutik, allarpassuillu aamma quujanartut.
Ukioq manna nutaatut Nuuk Kunstmuseum Rusrallymi suleqatigisatut peqataavoq, taamattaaq Brugseni, Tupilak Travel, Nunatta Atuagaateqarfia kiisalu aamma Royal Greenland, tassani ileriiaat suliassaannik aaqqissuinermi suleqatigineqarlutik. Nuummi suliffeqarfiit Aggustusi 2021-imi Rusrallymut suleqataarusuppa? Taamaappat Niuernermik Ilinniarfik ninuuk@ninuuk.gl-imut attaveqarfigiuk, imaluunniit oqarasuaatikkut sianerlutit 323099-imut.
Rusrally iluatsilluartumut ilinniartorpassuit nuannaartut takullugit nuanneqaaaq.
