Sapaatit akunnerini 43, 44 aammalu 45 ilinniakkanik aqqutissiuussisugut pikkorissut nunatta sineriaani angalassapput, Ilinniakkanik nittarsaassisut ilangalugit, tassani ilinniakkat suut periarfissaanersut nassuiaatigissavaat.
Niuernermik Ilinniarfimmi ilinniakkat neqeroortit meeqqat atuarfianniik bachelor-i angullugu ilinniarfiusinnaapput.
Ilinniarsimasutuut nutaatut, imaluunniit ilinniarusulluni kissaateqarnermi nalorninarsinnaasarpoq, sumut ikiorneqarnissamik saaffiginninnissaq.
Taamaattumik ilinniarnermut aqqutissiuussisugut pikkorissut marluk aallartippagut sineriammut angalasussatut, tassani atuartunut/ilinniatunut ulloqartitsissallutik aammalu soqutiginnittunut tamanut ilinniakkanik nittarsaassissallutik.
Naatsumik imminnut ilisaritissapput, suullu ilinniarfiup neqeroorutiginerai, tamassumalu kingorna apeqqarissaartoqarnissaanut aqqutissiuunneqarnissamullu piffissaqarluarumaarpoq.
Ilinniakkanik nittarsaassineq tamanut ammavoq, aggiinnariannguaritsi.
Illoqarfinni ukunani naapinneqarsinnaapput, Ilulissat, Aasiaat, Sisimiut, Nuuk aamma Qaqortoq.
Sumi qassinullu facebook-itsinni saaqqummiunneqarumaarput.
Ilulissat: Ulloq 26.10.21 Majoriami.
Aasiaat: Ulloq 28.10.21-29.10.21
Sisimiut: Ulloq 01.11.21-02.11.21
Nuuk: Ulloq 04.11.21-08.11.21
Qaqortoq: Ulloq 10.11.21-11.11.21
Neriuppugut amerlasuut neqeroorut ilassilluarumaaraat, apeqqutiminnillu akissutissarsiumaartut.