Nuummi Niuernermik Ilinniarfimmi ukioq manna pingaartorsiorfittut soraarummerluni allagartartaartitsineq ingerlanneqassaaq ulloq 19. juni 2020. Pisortaq Christel Lund Bøjler oqaluttuarpoq: ”Ullormi soraarummeerfimmi pingaartorsiortumik ilinniakkat arlallit soraarummeerutigineqassapput, taamaattumillu atuarfiup Katuaq qanimut suleqatigalugu pilersaarusiorsimavoq peqqinnissaq pillugu maleruaqqusat malillugit”
Niuernermik Ilinniarfiup tunillaassortunik Nappaalanersuaqarneranut Ataatsimiititaliarsuup, nunatsinnilu oqartussat peqqinnissakkut killilersuinermi maleruaqqusai malippai, tamatumalu kinguneraa ajoraluartumik ilinniakkaminnik naammassinnillutik allagartartaartussat ilaquttatik ikinngutitillu ullormi tassani pingaartumi ilagisinnaangimmasigit. Taamaammat periarfissat allat atorneqartariaqalerneri pingaaruteqalersimavoq, taamaattumillu Niuernermik Ilinniarfik facebook-iminiik toqqaannartumik allagartartaartitsineq aallakaatissammagu, taamaasilluni soraarummeertut ilaqutai, ikinngutaalu pisunik malinnaasinnaaqqullugit.
Soraarummertitsineq pingasunngorlugu avillugu ingerlanneqassaaq, taamaattumik ulloq 19. juni ulloq naallugu Katuami Hans Lyngep Inersuaani ingerlanneqassalluni.
TNI-mi allagartartaartitsineq: Nal. 10.00-12.00
Qaffasinnerusumik ilisimatusarsimasunik (Akademi) allagartaartitsineq: Nal. 12.00-14.00
MERX-ertut allagartartaarnerat: Nal. 14:00 – 16.00
Ilaquttat ikinngutillu soraarummertortatik pikkorissut Katuap silataani ilassisinnaalissavaat.
Ulloq 19. juni 2020 pisoq tamaat toqqaannartumik Niuernermik Ilinniarfiup facebook-iatigut aallakaatinneqassaaq.
Atuarfiup pisortaa Christel Lund Bøjler oqarportaaq ”Soraarummeertitsineq pitinnagu peqqinnissakkut maleruaqqusat allannguuteqassappata, atuarfik Katuarlu piareersimapput peqataasut tassanngaannaq amerlinissaanut” ilanngullugulu oqarpoq ”qilanaaqaangut ilinniartuutigut pikkorissut nalliuttorsiutigissallugit, naak piffissami imaannaangitsumik aqqusaangaqaraluarlutik ilinniakkaminnik naammassinnittussanngormata”