Nuummi Niuernermik Ilinniarfimmi ukioq manna pingaartorsiorfittut soraarummerluni allagartartaartitsineq ingerlanneqarpoq ulloq 19. juni 2020. Pisortaq Christel Lund Bøjler oqaluttuarpoq: ”Ullormi soraarummeerfimmi pingaartorsiortumik atuartut katillugit 118-it allagartartaartippagut, taamaattumillu atuarfiup Katuaq qanimut suleqatigalugu pilersaarusiorsimavoq peqqinnissaq pillugu maleruaqqusat malillugit”
Niuernermik Ilinniarfiup tunillaassortunik Nappaalanersuaqarneranut Ataatsimiititaliarsuup, nunatsinnilu oqartussat peqqinnissakkut killilersuinermi maleruaqqusai malippai, tamatumalu kinguneraa ajoraluartumik ilinniakkaminnik naammassinnillutik allagartartaartut ilaquttatik ikinngutitillu ullormi tassani pingaartumi ilagisinnaasimanngilaat.
Ulloq allaaneroqaaq, Katuami Hans Lynge inersuaani nipaanneroqaaq, taamaakkaluartoq alagartartaartut ulloq puujunaatsoq nuannaarlutik atorpaat. Naliginnaasumimmi ilaqutaasut ikinngutaasullu ilaasarnikuugaluaramik inersuaq ulikkaarlugu.
Soraarummertitsineq pingasunngorlugu avillugu ingerlanneqarpoq, taamaattumik ulloq 19. juni ulloq naallugu Katuami Hans Lyngep Inersuaani ingerlanneqarpoq. TNI-mi atuartut siulliullugit allagartartaarput, tulliit qaffasinnerusumik ilisimatusarsimasunik (Akademi) allagartartaarput kingulliillu MerX-ertut ulloq naanerani allagartartaarlutik.
Taamaakkaluartoq ilaquttat ikinngutaasullu facebook-ikkut peqataapput, ajuusaarutigaarput attaveqaatit ilaanni kipisuulaartarsimammata. Kisianni massakkut tamaat kingumut takuneqaqqissinnaavoq Niuernermik ilinniarfik facebook quppersagaanut iserluni.
Nersornaasinik aamma tunioraasimavugut, katillugit 24 -it nersornaaserneqarput ukunani kammaalluarnerpaaq, inortuinani takkuttuaannartoq aammalu karakterisigut angusarinnerpaat. Immikkullu AU-tunut atuaqatigiilluarnerpaat, ilungersullammak (fighter), ammalu Brugseni immikkut nersornaasiinera.
Allagartartaartut tamaasa pilluaqungaarpagut, tulluusimaarnaqaasi!