Maani Niuernermik Ilinniarfimmi ilinniarnerit tamaat toqqissisimanartumik ingerlanissannut.

AU-mi ilinniartuutitta maluginiarsimavaat unammillernartoqartoq – suliffimmik ilinniarfissarsiorneq.

Ilinniartut ilaannut tassaasimavoq suliffissarsiorneq siulleq, allanut immaqa isumassaaruffik – tamanulli iluartaqaaq isumassarsiorfittut atorneqarsinnaasoq, qanoq suliffissarsiortoqarsinnaanersoq aamma/suliffimmik sungiusarfissarsiortoqarsinnaanersoq.

AU-mi ilinniartut tallimat video-nik tallimanik takutitassarsiorsimapput, isumassarsiorfigisinnaasarnik ilitsersuussinnaallutillu suliffimmik sungiusarfissamik ujaasiniaruit.

Suliffik sungiusarfik

Suliffimmik sungiusarfissamik ujaasiniarneq ajornaatsuinnaaneq ajorpoq, taamaattumik Aviaq Nielsen Qvist-ip qanoq iliorsimanerluni takutissavaa, qanorlu  iliorsinnaanersutit siunnersuutinik tunillutit.

CV

Uani video-mi Mona Jeremiassen-ip nassuiassavaa CV-liornermi suut ilanngutissallugit pitsaasuunersoq, aammalu qanoq ikkunneqarsinnaanersoq.

Qinnuteqaat

Takuuk qanoq Maritta Andersen iliornersoq, siunnersuutaasinnaasunik allanillu iluaqutaasinnaasunik qinnuteqaammut kusanartumut.

Suliffissarsiornermi oqaloqateqarnissamut piareersarneq

Kevin Møller-ip tulleriiaarlugit takutissavai, qanoq imminut ikiorsinnaanersutit suliffissarsiorneq nuannersumik ingerlanneqaqqullugu.

Suliffissarsiorluni oqaloqateqarneq

Marie-Dorthea Bendtsen-ip siunnersussavaatit suliffissarsiorluni oqaloqateqarneq qanoq ingerlassinnaanerit pitsaasumik.

Scroll to Top