Immikkut siunnersorteqarneq (Mentoreqarneq)

Taaguutaannanngitsoq

NI Nuummi ilinniartutut periarfissaqarputit ilinniartumut allamut immikkut ilitsersuisunngornissamut. Immikkut ilitsersuisartoq tassaavoq inummik allamik avitseqatiginnissinnaassuseqartoq, ikiuukkumassusilik aammalu misilittakkaminik avitseqateqarsinnaasoq, ilinniartumut pineqartumut iluaqutaalluarsinnaasunik. Immikkut ilitsersuisartoq avitseqatiginnissinnaavoq atuarnermi ilisimasatigut ammalu allatigut ilisimatiguunngikkaluartoq.

Aamma ilitsersugassatut (mentee) nalunaarsinnaavutit, tassaavutillu immikkut ilitsersuisumik ikiorserneqartussaq.

Aamma inuutissarsiutinut tunngasunik immikkut ilitsersuisumik peqarsinnaavutit, tassa suliffeqarfimmeersumik, misilittakkaminik inuttullu nukittuffimminik ilinniartumut tunniussisinnaasumik. Immikkut ilitsersuisarnermik ingerlatsinerput alapernaakkusukkukku ilinniartunik siunnersuisartoq attaveqarfigisinnaavat.

Scroll to Top