Niuernermik Ilinniarfik, Nuuk ilinniartitsisumik pissarsiorpoq

Ilinniartitsineq uummateqarfigiviuk? Taavalu Kalaallit Nunaanni inuusuttut ilinniagaqalernissaannik sunniuteqaqataarusullutit? Taava illit ujarpatsigit.

Niuernermik Ilinniarfik, Nuuk tassaavoq ilinniarfik qajannaatsumik eqaattumillu inissisimasoq, inuussutissarsiuteqarfiusunillu praktik-ernermillu aallaavilinnik ilinniakkanik assigiinngitsunik ingerlataqartuulluni suliffeqarfiit pisortallu qanimut suleqatigilluinnarlugit. Niuernermik Ilinniarfik, Nuuk massakkut piffissami ineriartorfiusumi inissisimavoq nutaanik neqerooruteqarnissamut ukkataqarluni, inuussutissarsiornerup silarsuaata pisariaqartitaanut naapertuuttumik piginnaasatigut sulisoqalernissaanut ilinniartunik qarmaallunilu attatsitsiinnarnissaanut anguniagaqarnitsinnut naapeqartuuttumik.    

Suliassatit
Tunngaviusumik ilinniakkani ilinniartitsisutut siunissami allaffimmiutut pisiniartitsisutullu sulilerumaartussanik pitsaanerpaanik atuartitsillutillu ilinniartitseqataassaatit. TNI-mi ilinniakkanut suleqatigiinni peqataalissaatit, TNI Flex, TNI Basis aammalu TNI atuartitseqataaffigilissallugit. Ilinniartut atuartitsinermi ilinniartitaanerat atuigaqartitaanerallu ukkatarissuat, taavalu suleqatigisat ilinniartunullu siunnersortit peqatigilluinnarlugit ilinniartut ilinniakkaminnik naammassinnissinnaanissaannik qulakkeerinneqataassallutit.

Fagit atuartitsissutigisassatit tassaasinnaapput     

  • Takussaasunik pilerisaarineq
  • Kusassaaneq/Allagartanik allanneq
  • Nioqqutissanik ilisimasaqalernissaq
  • Pisiniarfimmik ingerlatsineq
  • Niuerneq
  • Allaffissorneq

Ilinniartitsisutut ilinniartitaanermi nakkutilliisut tunuliaqutarissavatit aammalu sulininni ilinniartitsisut allat suleqatigissavatit. Sulianni pingaaruteqartussaavutit, ilinniartitseriaatsimik siunissamik takorluukkanik aammalu pilersaarutinik pinngorartitsisussaallutit. Ulluinnarni qaninnertut qullersaralugillu attaveqarfigisartagarissavatit ilinniartitaanermut inspektørit.

Kissaatigaarput

  • Inuussutissarsiutigalugu- aammalu qaffasinnerusumik ilinniagaqarsimassasutit, kissaatiginarpoq pædagogikummimik naammassisaqarsimassasutit
  • Sulinermik qajannaatsumik misilittagaqarsimassasutit, ilinniartitsinermik ilikkartitsisinnaanermillu misilittagaqassasutit.
  • Pitsaasumik piumassuseqarluartumik periuseqartuusutit ineriartornitsinni suleqatigiinneq avitseqatigiinnerlu pingitsoorneqarsinnaangitsutut inissisimatinneqarmata.
  • Tunniusimalluarlutit suleqataalluartussaasutit, nutaamillu sammisaqarusuttuullutillu suliffeqarfimmi online-mik aammalu offline-mik suliffiusumi uninngaannanngitsumi nikerarsinnaasumilu iluarusussuseqarlutit
  • Kalaallisut qallunaatullu attaveqaqatigiinnermut oqaasertaliinissamullu piginnaaneqartuunissat pingaartinneqarput

Neqeroorutigissavarput
Suliffik pissanganartoq, ilinniarfimmi ineriartortumi, aammalu suliatigut pikkorissarnertigut ilinniaqqissamillu ineriartorfiusoq.  Pikkorissunik eqeersimaartunillu suleqateqarnermik avatangiiseqarluni sulinissamut periarfissaqarneq kiisalu suleqatit pinngorartitsinissamik piumassusillit suleqatiginissai, ulluinnarni quiasaarneq atuuttuuvoq aamma.

Akissarsiat atorfininnermullu atugassarititaasut
Akissarsiaqarnermut atorfinitsitaanermullu atugassarititaasut Namminersorlutik Oqartussat isumaqatigiissutaat, atorfinitsitsinermi soraarnermi atorfininnnermilu pequtit assartorneranni, atuuttuusoq kattuffiullu allap isumaqatiginninniarsinnaatitaasup isumaqatigiissutaat atuuttut malillugit pissaaq.

Sulinerup sivisussusaa nal.ak. 40-t sap.ak.-nut. Sulilernissaq 1. august 2021 imaluunniit isumaqatigiinneq malillugu.

Ineqarneq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Piffissami atorfininnermi Kalaallit Nunaanni Namminersorlutik Oqartussat aammalu kattuffik isumaqatigiinninniarsinnaasut akornanni isumaqatigiissutit atuuttut naapertorlugit atorfininnermut/soraarnermullu atatillugu angalaneq pisattallu angallanneqarnerat pisinnaatitaaffiupput.

Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni. Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat allat
Ilutsinni ilinniartitsisutut imminut takorloorsinnaavit, atorfimmilu annerusumik paasisaqarusullutit, ilinniarnermut nakkutilliisoq Kista Isaksen, oqarasuaat +299 342553 e-mail kisi@ninuuk.gl attavigisinnaavat.

Niuernermik Ilinniarfik pillugu paasisaqarsinnaavutit ugguuna www.ninuuk.net.

Qinnuteqaat
Kingusinnerpaamik qinnuteqarfissaq 22. juli 2021.
Tusarfiginissat qilanaaraarput!

Qinnuteqaat nassiuguk

Leave a Comment

Your email address will not be published. Required fields are marked *

Scroll to Top