Ilinniartitaanermut pisortatut atorfik nutaatut atulersitaq

Aqutsineq nuannarisariviuk? Suleqatit suliaminnut pikkorissut kajumillutik pimoorussillutillu sulinissaannik pilersitseqataasinnaassuseqarpit? Taava illiuvoq ujartugarput.

Niuernermik Ilinniarfik, Nuuk tassaavoq ilinniarfik qajannaatsumik eqaattumillu inissisimasoq, inuussutissarsiuteqarfiusunillu suliffinnilu sungiusarnermik aallaavilinnik ilinniakkanik assigiinngitsunik ingerlataqartuulluni suliffeqarfiit pisortallu qanimut suleqatigilluinnarlugit. Niuernermik Ilinniarfik, Nuuk massakkut piffissami ineriartorfiusumi inissisimavoq nutaanik neqerooruteqarnissamut ukkataqarluni, inuussutissarsiornerup silarsuaata pisariaqartitaanut naapertuuttumik piginnaasatigut sulisoqalernissaanut ilinniartunut pilerinarsaalluni attatsitsiinnarnissamullu anguniagaqarnitsinnut naapertuuttumik.

Suliassatit
Ilinniartitaanermut pisortatut nammineq pisinnaasatit nalunngilluarlugit aqutsinerup ilinniakkanillu allaffissornerup akornanni eqaatsumik sulisinnaassallutit. Tatiginassusilimmik aalajangersinnaassuseqartumillu aqutseriaaseqassaatit, kisiannili aamma aqutsisooqatigisanik, suleqatinik ilinniartunillu tusarnaarsinnaassuseqartumik ammasumillu atassuteqarsinnaasuussallutit. Ilinniartitaanermut pisortatut kajumisitsilerlutillu pimoorussisitsilernissamut piginnaasaqartuussaatit, aammalu sulisunut ilinniartunullu aalajagiussavit tunuliaqutaannik ersarissumik paasissutissiisinnaasuussallutit. Nammineersinnaassuseqarlutit aqutsisinnaasuussaatit ilinniartitaanermut tunngatillugu ungasinnerusumut pilersaarutit eqqumaffigalugit. Qanoq immitsinnut naatsorsuutigisinnaanerup eqqartorneqarsinnaajuaannarnissaa aammalu attaveqaqatigiilluarneq maani pingaartinneqarput.

Akisussaaffigisassat ilaatigut ukuusapput:

  • Ilinniartitaanermut immikkoortortaqarfik ilinniartitsisullu aqunneqarnerat sulisoqarnikkullu akisussaaffigalugit
  • Ilinniartitaanermut tunngasutigut suliassat qullasinnerusumik ataqatigiissaarnerat aqunneqarnerallu
  • Ilinniarfiup perorsaanikkut anguniagaanik ineriartortitsineq
  • Ilinniakkanik ilinniartitseriaatsinillu nalilersuineq, tassani aamma ilaatinneqarluni atugassarititaasunik misissuineq
  • Inuussutissarsiorfiit peqatigilluinnarlugit ilinniakkanik nutaanik ineriartortitsinerup ilinniakkanilu pioreersunik nalilersuinerup ataqatigiissarneri

Ilinniartitaanermut pisortatut atorfik, atorfittut nutaatut pilersitaavoq, atorfinittussamut kissaatigineqarluni aqutsisoq tunniusimasoq, attaveqariaatsimigut ersarittoq suleqatikkuminartorlu. Suleqatigiikkuutaat ilinniartitaanermut inspektørinik, ilinniartitsisunik allaffissortunillu tunniusimasunik sulisoqartut siuttuuffigissuatit. Ilinniarfiup pisortaanera qaninnertut qullersarissavat, aammalu allaffissornikkut pisortaq peqatigalugu ilinniarfimmi aqutsisooqatigiiussallusi.

Kissaatigaarput

  • Aningaasaqarnermut, inatsisinik assigusumilluunniit inuussutissarsiornikkut tunngaviusumik, ilinniakkamilluunniit nangitsilluni ilinniagaqarsimanissat.
  • Ilinniarfinni pisortaniluunniit aqutsinermik misilittagaqarsimanissat.
  • Ilinniartitaanerup iluani sulerusussuseqassasutit.
  • Unammillernartunik suliaqarusuttuussaatit nammineersinnaassusilimmillu aqutsisinnaassallutit.
  • Ammasumik atungarissaartitsinissarlu ukkataralugit tatigeqatigiittumik suleqatigiittoqarnissaanut peqataassaatit
  • Kalaallisut qallunaatullu erseqqissumik attaveqateqarluarsinnaaneq pingaartinneqarput

Neqeroorutigissavarput
Ilinniarfimmi ineriartortumi suliffik pissanganartoq, suliatigullu nammineq sunniuteqaqaataaffigisinnaasanni periarfissalimmi. Inuttut ineriartornissamut periarfissalimmik, pikkorissunillu eqeersimaartunik suleqateqarnermik avatangiiseqarluni sulinissamut periarfissaqarneq kiisalu suleqatit pinngorartitsinissamik piumassusillit suleqatiginissai, ulluinnarnilu suliffimmi qiimasaarneq ulluinnarsiutaavoq.


Akissarsiat atorfeqartitaanermilu atugassarititaasut:
Atorfik akissaateqarfimmi LR 36-mi maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Sulilernissaq kissaatigineqarpoq 1. september 2021 imaluunniit isumaqatigiissuteqarnikkut.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat allat
Ilutsinni ilinniartitaanermut pisortatut imminut takorloorsinnaavit, atorfimmilu annerusumik paasisaqarusullutit, taava Ilinniarfiup pisortaanera Christel Lund Bøjler, oqarasuaat +299 342580 imal. e-mail-ikkut ugguuna clb@ninuuk.gl attavigisinnaavat.

Niuernermik ilinniarfik pillugu uani paasisaqarnerusinnaavutit: www.ninuuk.gl.

Qinnuteqarfissatut ulluliussaq
Kingusinnerpaamik qinnuteqarfissaq 28. juli 2021.
Qinnuteqartut ataavartumik nalilersorneqarsinnaanissaannut pisinnaatippugut.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut “qinnuteqaat nassiuguk” toorlugu nassiutikkit.
E-mail-ikkut qinnuteqaatinik tigusineq ajorpugut.

Leave a Comment

Your email address will not be published. Required fields are marked *

Scroll to Top