Allaffissornermi økonom

Sivisussusia
Ukiut pingasut

Qinnuteqarfissaq kingulleq
2021

Atuagarsorneq siulleq martsip qaammataani ukioq nutaami aallartissaaq. Februarimi paasissutisseeqqissaagut.

Aalajangiunneqartartut qanittumik suliffigerusukkukkit aammalu aalajangiinnginnermi suleriaatsit sunniuteqarfigerusullugit?

Allaffissornermi økonom ilinniarfiuvoq ingerlariaqqinnissamut naleqqulluartoq.

Aallartittussat nutaat aallartissapput upernaaru 2021-mi!

Administrationsøkonom ilinniaqqinneruvoq diplomuddannelseusoq, taassungalu ilisarnaataavoq, ilinniartut siammasissumik ilisimasaqalernerannik aammalu assigiingitsunik allaffissornermut tunngasunik annertuumik ilisimasaqalernerannik. Iluaqutaassooq torersumik tulleriiaarilluni sulineq, pilersaarusiorneq aammalu aaqqiagiinngissutinik iluarsiiniarnermi qaangiiniarneq suliaqarnissamik pilerigisaqaraanni. Taanna ilinniarukku suliffinnik assigiinngitsunik pissanganartunillu suliffeqarnissamut periarfissaqalissaatit.

Soqutiginnippit?

QIlinniartunngorniaraanni piumasaqaataasut

Allaffissornermi økonom-itut ilinnialerniaruit GU-mit ilinniarnertuujusariaqarputit imaluunniit inuutissarsiummut tunngasumik naleqquttumik ilinniagaqarsimassallutit. Taassuma saniatigut ukiuni marlunni suliffimmi naleqquttumik sulinermik misilittagaqassaatit.

Suliffimmut tunngasumik ilinniagaqarsimanermi immikkut piumasaqaataasut tassaapput tuluttut (C ) aamma inuutissarsiutinut tunngasumik aningaasarsiorneq (erhvervsøkonomi) (C ) imaluunniit matematik-imi (C ).

Qinnuteqartoq suliffeqassaaq qinnuteqarfiup nalaani. Ilinniakkamullu tigusaaniaraanni, tamanna sulisitsisup akuerisimasussaavaa.

Sumiiffik aamma aallartinneq

Ilinniarneq pissaaq Niuernermik Ilinniarfimmi imaluunniit Pisortatut Ilinniarfimmi, Nuuk.

Ilinniarneq aallartissaaq februarimi atuagarsornerlu siulleq pissaaq 9 marts 27 marts 2020 tungaanut.

Qinnuteqarfissaq kingulleq 15. januar 2020.

Suliffissat siunissamilu ineriartornissaq

Ilinniareernerup kingornatigut allaffimmi sullissinermut tunngasunik, projektinik aqutsinermut aammalu suliassanut sulisunut tunngassutilinnik pisortat allaffeqarfiini aammalu suliffeqarfinni namminersortuni suliaqarnissamut piareersimassaatit. Sullitanik kiffartuussinermi siunnersortitut, allaffissornermi suleqatitut imaluunniit sullissisutut suliffeqarsinnaallutit.

Ilinniartitsinermi oqaatsit atorneqartut

Atuartitsineq qallunaatut ingerlanneqarput. Atortussat aamma taamarmik qallunaatuujupput imaluunniit tuluttut. 
Taamaattumik oqaluttarissani allattarissanilu ilinniarnerup pissarsiffigilluarnissaa siunertaralugu ilinniartup qallunaatut oqalulluarsinnaanissaa piumasarineqarpoq.

Sivisussusia

Ukiuni pingasuni suliffiup saniatigut atuarnerivoq, atuagarsorfiillu sapaatip akunnerini sisamani sivisussuseqartarlutik. 
Atuagarsorfiit ukiup affakkaarlugit ingerlanneqartarlutik.

Aningaasaqarneq

Ilinniagaq ilinniarnermut ikiorsiissuteqanngilaq.
Atuagarsornerpit nalaani kollegie-nut inissinneqarsinnaavutit, kisianni nammineq akilissavat ineqarnerit.

Kollegiemut qinnuteqarneq pissaaq KAF-mut, taamaammat siusinaarluni qinnuteqarnissaq pingaarpoq.

Najoqqutassat soorlu atuakkat allallu atuafimmiik isumagineqassapput.

Atuagarsoriarnermi Bærbar-imik nammineq peqarnissaq kissaataavoq.

Ilinniakkap aaqqissugaanera

Studieordning for Administrationsøkonom ses ovenstående – se top

Qinnuteqarit

Allaffissornermi Økonom-itut qinnuteqarusukkuit, qinnuteqaammik immersukkamik nassiussissaatit, piginnaasat pillugit allassimaffik, suliffeqarfigisanniik akuersissut aammalu ilinniarsimanermut uppernarsaatit, suliffinni misilittakkat aammalu oqaaseqaatit assigiinngitsut ninuuk@ninuuk.gl – mut nassiunneqassapput.

Ansøgningsfrist 15. januar 2020

Scroll to Top